Z gljibokoga duba pozoj je hučal
ručal i ogenj rigal, gda je vitez
Drachenstein (Drahenštajn) , kulu na pečine,
Pozojevu stienu zidal.
Mnougi je kmet
koušče pod zidinama ostavil
gda na pleči je kamenje nosil
kak vol zaprežen na stienu vljekel.
kulu delal Turčina tiral.
Veljikoga roda gospodari
v rati su za cara krvarili
svecku politiku tirali.
Gda denes brojim štenge
do dičnoga dvora gore, na pečinu
priviđa mi se gospa na ganjku
sama, kak prst, povela zarana
kak rouža na kamenu nezaljejana.
Z pozojem druguje, zanje si dane
z rožarijem i knjigu v rouka kupuje...
Gore visoke, dolje gljiboke,
zemlja je trda jošče trđi je kamen
biser na ščepcu kak rešta znamen.
Jedna je Souza, ze souzu imenovana
souze vu veselju ftopila
grofica Draskovich z Pozojeve pečine
v truc z moužiku i pesmu
šegu na stiene ostavljeni pretrgla.
Trokenštun se kotural i rušil
pak glancal, vu bajeru štimal
sake je fele vojakov,
biede i jada slave i kinča videl.
I Trakošćan ga imenuvali,
vu srce mu stranjske slove ć porinuli.
Slava horvacki nobelov vu njemu živi.
Pozoj je zaspal, od muke i jada
brez glasa ostal...
Prosim, če bi znojuč zaručal,
če igda denes je dvor potrieben
njegvoga ognja i glasa,
če igda veda, kak je dvor
negdašnjega Turčina tiral
nek pozoj bi denešnje glodavce otiral.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.