malo ali nič:
ja znan jušto ča rabi i želin znat.
Znan da su bili kapaci vibrat
mesto za živet,
da je bilo naredno za pobirat
medežijo ka raste naokolo,
za gledat kat z mora prihaju
z ribon i soli
ali kat prihaju z blagon
kejstega su ulovili ali kupili.
Znan da su najbrže plivat hodili
tamo kade i ja plivan,
da su rada gledali z vrha
sunce oblaki mesec zvezdice.
Ne porta ku nisu nič zapisali:
tr i sad malo ki piše i čita.
Ni istina da nan nisu puštili nič:
svaki put na Monkodonje
vidimo i novo i staro i ono
od vajk i za vajk.
A kamo su šli i zač hi ni
ne pitajmo!
Ku budemo pogledali
dimboko, dimboko sami u se
nać ćemo ti ljudi
kijsti su nan pokazali
kade valja živet
i zazidali se u nas
do kraja svieta.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.