Katarina Zadrija | Od denes do zutra

 

Čez oblouk spomenjkof sem se nagnula. 

Dekljica  je z bosemi nogami

trage f prašine ostavljala, 

gda dejžđ je opal

po mlaka gacala, kikljicu pošpricala. 

Gda sem na mašine za sprešetavanje čez cajte

vuru napred pomeknoula

na hrptu je žmeku tourbu smicala. 

Kušajec poskrivečki prijela i gleč, 

krile za gnijezde si našla. 

Cajti kak da su ponoreli. 

Prve su valcera tancali. 

Vidla sem detece i jedne i druge i trejte f krilu si. 

A ounda su cajti poljku zaigrali. 

I vrteli se i vrteli

i znojuč mučke rouke v moje kvrgave risali. 

A gda su drmeš zatancali

z nogami mi po zraku leteli

nagnula sem se v zutra

i si smo se v brakedance skopitali. 

Smrt me preskočila 

od jada i straha, 

mašinu od cajtof sem potrla. 

Sad živim od denes do zutra, 

priek zutra je daljeke, 

a spomenjki nek ostanu f spomenjki, 

kak i negda.