Obresla u kupinu
Di si ti hodila,
Mužu užinu nosila.
Ne vonja bakalar,
U špaheru ni luga,
Prazan je sular,
Obuzela me je tuga.
Sve se čini isto
Ma šempre meni ni,
Prazno je tvoje misto,
Otac sam za stolon sidi.
Podiga je ruku kad me vidi
Koju je u krilu krši,
Tuga s njin za stolom sidi
Život mu je s tobon svrši.
Hoćeš oče sa mnon hodit,
Grubo ti je ode sam bit?
U mene ti ništa neće falit,
Ima'ćeš s kin rič progovorit.
Dok je suzu prova sakrit
Reka mi je ča san znala,
Neče dom svoj ostavit,
Samo mu je kuća još ostala.
Dok san niz dvor hodila
Misleč zač sam hoće ostat,
Još jedan put san se obrnila,
Za stolon, s njin, sidila je mat.
Zavonja mi je bakalar,
Iz fumara se vidi dim,
Cviće je procvalo niz sular,
Sve je bilo ko i prin.
_______________________________________________
Napomena:
vonja-miriše, špaher-štednjak, lug-pepeo, šempre-ipak, obrnila-okrenila, fumar-dimnjak, zavonja-zamirisa
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.