Kolumne

Jelena Hrvoj
Patnje mladog autora

Ela Ernoić
Rozin kutak

Mirjana Mrkela
Ispovijed jedne čitateljice

Jelena Miškić
Pramcem u sumrak

Martina Sviben
S kodom bluesa i balade

Aleksandar Horvat
Kajkavsko najže

četvrtak, 7. travnja 2022.

Željko Bajza | Teško živlenje


Ak si od strane božje poveč gdo si. - Od strane božje jesem i po prepuščenju božanskom ovakov jesem ti se zkazal, da i vu meni nevolnom vzemeš peldu pokore. Ja mertev jesem, ako prem ti se vidi, da ja telo imam, bil sem soldat vu ono vreme, kada je Rikardus Anglikanski kralj vojuval suprot Filipu Franzuskomu kralju, vu kojem boju ja nesrečni vnoge i nekrive jesem vumoril, nikakvomu stališu nesem prostil, nečisto jesem živel, vnoge divojke ozkrnul zakonske i nezakonske nesramno vužival, vnoga lucka po krivice vzel. Ja sam ne znam jesem li živ ili sem mrtev. I ja veliku i nezgovornu muku terpim, samo to me veseli, da ja koji sem vekivečne pekla muke vreden bil, vendar po sudnjem dnevu oveh muk oslobodim se, i vekoma blaženstva Nebeskoga vžival budem. Ne zadovoljavam se z osrednjošću a za vekša dela nemam hrabrosti, to je težke živlenje. Oh koliko je krvi preliveno kolika je nesreča stigla one teri su bili verni a ja ovde bogu kradem dane sedeči ovde v čamotine, sam jem koru svoje dosade brez pokreta izjednačavam vreme z ništavilom. Pred menu je se črno, nema slik, nema boje, nema glasa nit akorda nema ljudi, nema harmonije se je duga mučna tišina. Z nebom se poistovečuje radost brzina veselost, a tu vlada ozbiljnost tuga, spori tempo, tak zgledi sam črni pekel i zate se ja nemorem genuti pomeknuti da bi zbegel vremensko ništavilo putuj i odkril budeš nekaj novo jer dosada se raja iz jednoločnosti. Ti se nemaš nameru odreči kraljevstva, je točno je plival si u preobilju cvetja i mirisa, imel si se kaj si štel, ar tak gusto vu pekel opadaju duše tere si meru neznaju kak vu najvekše zime najgusteši sneg padati more zate ti velim z putovanjem se moreju zgubiti iluzije ljudi teri su vu iluzijah odrasli i z iluzijami se hraniju. Bog je na strane lukaveh disciplineraneh i uspešneh- rad je Bog, rad je junak, rad je izgradnja, nužnost da se sredstva pribaviju saki napredek je veština da se ljudi popljačkaju i zemlja i priroda da se popljačka, ali vu moje privatne sfere ja ne rezmišljam ob budučnosti mene samo sadašnjost zanimlje mene odvlačiju misli ob totalitetu ob prošlosti i budučnosti od tud su i moji problemi i brige. Ja bum ostal dok još morem, a otkril ti bum svoju tajnu ja sam zaljubljen vu ženu z ove slike, ali to ni moguće ta je slika stara morti i stotinu let. Z plačem si se rodil z plačem si otkojen z plačem svet ostavi i vgrob se postavi. Spomeni se vezda o krščeni človek kak brzo dohaja tvoga žitka konec. Vu ruke se dajem gospodinu da od mene vazme vsu tugu ovu. Mene zakopajte vu tu črnu zemlju vane mi ostavte moju levu ruku za nju mi zavežte moga vernog konja nek me konjek ljubi gda me draga neče.


Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.