Kolumne

Jelena Hrvoj
Patnje mladog autora

Eleonora Ernoić Krnjak
Rozin kutak

Martina Sviben
S kodom bluesa i balade

Mirjana Mrkela
Ispovijed jedne čitateljice

Aleksandar Horvat
Kajkavsko najže

petak, 11. ožujka 2022.

Aleksandar Horvat | Misel


Vušla mi je jena misel skrivečki,
gda sitni dežđ je vulice pral,
a ja sem spal,
Senjal sem sveta bez farbi, žmirečki,
na me se kelil čemer i jal,
blato i kal.

V senji se misel do tebe dovlekla.
Če sem, ne hoteč, senje ti fkral,
nek ti ne žal.
Če bi ta misel čkominu presekla,
ja bi se zbudil, ime ti dal,
naglas te zval.

Ta misel nigdar se vrnula nije.
Došla je polnoč v prazen bokal,
skončal je bal.
I vse je črno i belo kak prije.
Je l' na me misliš? Da to bi znal,
srce bi dal.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.