Aleksandar Horvat | Ribička

Bili smo negda pajdaši, 

Ti velki, ja mali,
Kak divlji škvorci na paši,
Kupine bi brali,
Išel bi kam si nakanil,
Vuz šodranu cestu,
Kraj vode dušu bi hranil,
Na staromu mestu.

A ja bi venčeke vezal,
I plašil ti ribe,
Sviralo z nožekom zrezal,
Od vrbove šibe,
Trava med bosimi prsti,
Razgažene steze,
Leptirov pedeset vrsti,
Topole i breze.

Zaspal je čon vu pličaku,
Odletela šljuka,
Ostala viseti v zraku
Naslikana ščuka,
Radničku kapu na hero,
Ostavil sem sebi,
A tebi čapljino pero,
I ribnjak na nebi.