Željko Bilankov | Tega dana

Bija je praznik

i tepla litnja noć,

šušur na Pjaci

omladine pisma.

Bila je klapa jedna

i smija puno,

čežnjivih pogleda,

nemira srca.

 

Onda je vrime 

odjednom stalo,

grad je proguca

cili taj svit.

Jedno do drugog

na pločama bilim,

postojali jesmo

samo nas dvoje.

 

I danas ne znan

ko je izabra

i kojin puten

do Rive doć.

Ali se sićan

još uvik dobro,

u istom smo trenu

spojili ruke.

 

Bila je tiha litnja noć,

i poljubac jedan,

zagrljaj mora

u mraku plaže.

Bija je gariful crljeni

na stolu kafića,

i tvoja glava 

na ramenu mome.