nedjelja, 9. svibnja 2021.

Željko Bajza | Na vrhuncu Helikona





Prevnoge muke nad zemlju nam prideju,
drobne kako pepel vsi se potareme.
I nam, predobri Oče, na koncu vudeli mir,
teri dalke bi otklonil se nevole i mučne smrti!
Mir zazivljeju bregi i hrasti, mir ribnjaki i jezera,
ob miru pripovedaju krute stene.

Tak je popeval on, teri je rođen vuz gliboku Dravu.
Teri je vučinil da zdaj italska zemlja čita pesme z Panonije.
Teri se sav predal lirami muzah,
i vodu je pil z aonijskega zviranjka,
i služil je Martu kakti vojnik, a ne Feba kakti pesnik.
Vuz pomoč Guarina popel se je na visoke vrhunce Helikona,
vuz njegvu pomoč prešel je rosnu dolinu Parnasa.

Tespiske device i oče Bakho i svetli Pane,
dejte mu otpusnu batinu, jer on je bil Jan,
teri je prvi dopeljal z lovorem okičene božice z Helikona
na očinski plavi Dunaj.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.