Žedna zemja,
prazna gustirna,
otac u nebo gleda
vapi, doziva.
Ma ti si dešpetoža
ni te briga,
neka mu usahne i zadnja loza.
Ne badaš ni moju molitvu
zemja suha,
ne mogu posijat niti blitvu.
Muka je težaška
kad od tebi ovisi,
cili trud i muka
propas'če,
jer dišpetoža ti si.
I kad su svi već nadu izgubili,
limun, maslina, mendul,
lišće savili i užutili,
ti si odlučila past, danas,
kad je njihov trud i muka
propa, kvragu iša,
došla je ona,
njoje veličanstvo, kiša.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.