Jasmina Burek | Leptiri vu rukami

Hiža čkomi na kraju sela
leptiri letiju čez livade
mala keba z pohabanu obleku
kak siroče vu njih gledi

Nigdar ni videla tak lepega stvora

Pak si misli vu toj kuštravoj glavi
same na sekundu koj bi ga vlovila
same na sekundu koj bi poletjela
i med cvetje ž njim zašla
same na sekundu koj bi pozabila...

I kak da ju je čul, raširil je svoja krila
i tihe, polahke, vu dlana joj sletel

Zaprla je ruke
i oči je zaprla
i videla je se farbe ovoga sveta kak joj ideju v srce
i bila je tak sretna pak se zdigla visoko nad zelene gaje

I nigdar više leptira ni videla
same zlomljena krila vu svoji rukami
... a to ni štela

I još danes jena baba furt plače gda se zmisli leptira
i njene sreče tera ga je fbila
... a to ni štela


(objavljeno u zborniku „Došel bum v Bistricu”, 2018., 20. recital J. Ozimec)