ponedjeljak, 31. prosinca 2018.

Barbara Mišković | Staro leto



Barbara:

Dobro nam došel, Staro Leto!
Dragi prijatel.
Vreme je ovo nekak sveto,
nekaj si dal, kajgod i zel.
Dobro nam došel u hiže naše
Nek si nas našel bar još jeden put!
Jer vreme nigdar nikomu ne paše
i navek te otpravlaju dale na put.

Dej sedi sad, pospominaj se z menom
i poveč nekteru reč.
Radi bi te popelala sa sobum
ali, znaš i sam, kesno je več.

Da...da... vsega je bilo!
Vsega sme preživeli.
I drage nam dobro i mrske nam zlo,
vsega smo imeli.

Staro Leto:

Ja znam da praf veliš i da ni lahke bilo.
Ja znam da sem vsega dal,
kagdigod i nešti šče ti ni bilo milo,
al sem zato i pri tvoje hiže stal
jer bi ti povedati nekaj štel.
Evo na jeziku mi stoji...
i znam da ne bi smel,
ali nemrem prešuteti.

Pravica je pravica!
I red je da znaš.
Da ti ni ovaj teri za menom koraca
Ni ništ bolši baš.

I zato se, dej priredi.
Lepu rubaču na sebe ogrni!
Naj da te on već od zutra jedi,
neg narav svoju ti obrni.

Dobro i loše to je posel naš.
Leto mi jesmo da vreme nosimo,
ali same ti zebrati moraš
jeli da se kak prijateli rastanemo?

Smej se kad ti smeha donesemo,
posti i sozu negdar koju.
Zapamti veselje kaj tvemu prinesemo
i naj pozabiti vrednost svoju.

Jer leta idu, vreme svoje nosi
I lodi kaj so bili, više ih ni!
Leta idu, vreme nikoga ne prosi,
ali ti naj pozabiti...
Da čovek ni same meso na štapu,
nek i duh vu vami gori,
da živ čovek još ni za raku
zato dok živiš ti živi!

Barbara:

Praf si povedal, stari prijatel.
I pozabila ne bum tvoju lepu reč.
Kaj god mi onaj je posle tebe donesel,
nekak bom već, nekak bom već.

I dok je daha vu meni znaj...
vu moj dom dobrodošel jesi
jer priroda te nosi k meni
I moj dom tim blagloslovom resi.

I vreme nek ide, znam ja da mora.
A tebe pozdravlam i roku ti stišččem!
Evo ti darek spod mega bora
dajem ti ga od srca z veselem.

Staro Leto:

Roko bom stisnul, dara bom zel
I toplo te bodem pozdravil
Tak sem se pri tvemu ognju dobre ogrel,
i fajn mi je drage da sam pri tebi bil.

Barbara:

I tak mi je otišel prijatel stari,
a novi samo kaj došel ni,
ajde, dragi moji, znate kaj je na stvari
nek vam je od srca sretno vu Novoj godini!

©Barbara Mišković

31.12.2018.

Letterkenny

Irska

Nema komentara :

Objavi komentar