utorak, 17. travnja 2018.

Katarina Zadrija | Povele rouže











Smrdljivi, stari Čazmatransov bus po ceste se tačka.
Zraka vunjem nie.
Ljudi su kak sardine narevani.
Saki z svojemi brigami glavu razbija.

Dimam idem, auta nemam.
Veselim se starce videti.
Poprečki, kre Grada, po sinokuše
Za čas bum v rodne hiže.

Kočnice cvile, stanica tu je.
Bogek kak friški zrak godi!

Na poznatu stezu sem prebejžala,
Po koje saku nedelju
V Grad k časnam
K meše sem išla.

Svetešnje ruhe mama bi mi obljekla.
Nove sandale, koje če su se poutem zaprašile
Z prsti sem brisala.
Z roupčekem brisati, moči je bile batine na rit navleči.

Poutem, čez sinokušu
Roužice sem brala,
Da je boum časne
Za oltara kinčati dala.

Dok priek poutoka, po moustu sem prešla,
Kak da v dugi sviet sem došla.
Duha kamena z kojem grad je zidan
Cielu me prevzela.

A tam v kapelice, v prve klupice
Bogeku svoje jade sem povedala :

Zake su roužice v roukica moji povele?
Pak nedu je časne na oltar moči dele.

Zake vunjina Mara je zločesta tak?
A onaj liepi domištrant,
Zake on same v rouke svoje gledi?

Biebu onu veljiku negde sem zgubila,
Bogek pomori mi,
A morti je pod postelj opala...

Sad z drugoga kraja kre Grada idem.
Kamen sad drugačku duhu ima.
Profesor Buturac z anđelji se spominja.
Nište više mešu tu ne služi.
Ni časni više nie.

Bogek ljubljeni, blagoslovi je tam de jesu,
Pak njim poveč da navek još
Curička sem, ona mala
Koja je povele rouže v rouka stiskala.

Nema komentara :

Objavi komentar