Katarina Zadrija | Čkomi

 

Kiesna je doba. 

Po zidu mesec kipece riše,

a mene zdrobljenu

ni mužika tvega srca

vu senje zazibati nemre. 

Zmed lasi me vusnice išću,

z dlani si lice mi prijel,

stija, kak da vu pragišča

vatu z rogoza držiš. 

Privini me, vu rouka me drži

i čkomi. 

Potrenu mi dušu zvrači

i boudi kre mene ... 

Gda srce mi pobeči oče

gda souze mi v dušu kapnu

gda megle mi poute zmoute

gda Mora mi na prsi sedne

i gda ni tvoje vusnice 

mouj vrat prepoznati nemre. 

Same me privini vuz sebe

i čkomi. 

_______________________________________________

Pjesma je objavljena u zborniku Draga domača rieč u Ivancu