Katarina Zadrija | Križi

Gda si koraknul na of svijet,

križa si v rouke prijel. 

Zapometi, tvouj je

nište ti ga ne pomogel nositi.

Znam, proubaš ga odložiti,

neda se, z toubu je zrasel, 

a bližnji ti bi i od svojega pridel

ne vidi da i tvouj je jednake žmekek. 

Smičeš se po poutu, 

jedvice se vlječe, pitaš Boga 

dogda i zake i zake baš ti i same ti? 

Onaj kre tebe, jednake brunda,

ti ga ne čuješ, predeš po svoji, 

kak da jedini ti križa nosiš.

Saki za svoju brigu zna, 

saki svoju mouku trpi.

Sviet je stvoren od križof i križanji. 

Privini ga, zoberi pout, 

na tebe je i prave i pravda i pravnica. 

A Ježuš, Jezuš je i preveč pretrpel

za čovjeka koji je prave i pravicu

kak tata na galge obesil. 

__________________________________

Govor sela Lovrečka Velika kraj Vrbovca