Slava Rosandić | Ovdi rodit se, na svojemu bit, a morti i navek živit

Ki ljubi strastveno, 

„ki zgine pošteno“ i pokolenju svojemu namrije lefko živlenje,

mefko trplenje,

pobožno strplenje;

gnezdo šte svije nad Kupom: vodicom mrzlom, kak zdenec – zrcalce; 

z sončekom ličekom žarnim,

ke slije na človeka mišlenjem nam marnim…

*

Najte zahititi reči kaj vam bum ih pripovedala – a zač?, zakaj? Kem zato kaj sem kajkavski kak pucica pregovorila, celega živlenja sem ga seposod gojila i ve bi mu štela dušicu vdehnoti. Na bregu tem od našejih staršh zanaveke snubljena zdehnoti.

Naj naš kaj prše kak vetrek vu goricah, naj popeva kak pevec vu dvoriščah.

*

No, polefko - kem vam bom spripovedala kak sem si kre krepke vodice Kupe našla vezdašnjega muža.

Ondak:

protuletje se rascvelo kak rasplesana kiklja, zrak je dišal po baršunastimi ljubičicami, omaglica se vlekla prek zoranih oranic; se se zbudilo kak da je Bog dragi razb(l)uđeno otprl oči i pošprical zemlu šatiranemi škrlaki.

Vu to vreme sem bila, bi rekli naši stari, tenka kak breza i črleni lasi su mi se tak razmigoljeli prek pleća kak rezkuštrana vrba kre potoka.

Sem se špancirala kre okanca – ogledalca visokega dvorca, sem štela za školicu narisati klisuru zo kulom i okoli nje se kaj ju slatko kušuje.

So mi rekli da su tu živeli dični muži i čestite žene, šteri su hrvatski prodičili od mutne Mure do jedrega Jadrana. Da ti zidi kameniti, navek dišu znameniti, mahovinom opleteni, dično ka nebesam kak špičasti zgon. 

Sem štela tef biljeg vu zabat vuklesan, raznim felam farbi narisati, kičicom zanavek prodisati. 

Kak vetreka čuh, tak sem osetila z pleć nečije žiće. Gledel me črnemi očmi, kak da su kupine, kak da su trnine -  i deklamiral tak slatke stihe Katarine naše premile – „Adrijanskoga mora sirena“.

Mam sem se raznježila kak rastaljeno zlato: „Tak je fest a i pametneši od bedasteših!“

Kak da nas je zadavil ljubljeni muk; samo smo čkomeli , vu sebi zgoreli… Tef naobraženi dečec je već čudaj let moj „putni tovaruš“.

Domača reč i hiljadgodišnja popevka narisale su i zgotovile naše živlenje. 

I ve se još navek bormeš fest ljubimo - kak i davni naši ponositi i uzoriti predki, zauzlani vu uzama, zanavek sljubljeni vu suzama.

*

(Risanje… i pisanje.)

Ta patina vjekovječna, ta tišina slatkorječna…

Modrikastozelenkasta razgolićena kupa nam se Kupa, vrpca vjekova uzana al čila, uncom sunca okupana, neprolaznošću NAŠEG LIKA – KRAJOLIKA oslikana…