V meglu namačem kokotovo pero
i se kaj zapišem prvi dešč odnese.
Zabadav pod prste pospraviti očem
pšenicu, jagode, drena i kiselice.
Zabadav čkomeč iščem spomen
na pušel sena, rasklimana kola,
prašnjavi pot za senokošu Pre potecu.
Moram ti reči, povedati dok si još tu.
Pod rame ti lice zavleči.
Reči mi znova da znoš da sam tvoja.
Naj razideju se megle s početka pesme,
kokot na krovu nek se sam gizda.
Tu moja jesen po zrelaj jabukaj deši.
A zime kre tebe postaneju tople
kak svetlost sveče i friški kuruzni kruh.
Dešiju na žveplu, luščije i ceker.
Na pilovinu, na toplo mleko, na prvi sneg.
Na žgance i one tvoje šiškrline na slaninaj
v plovomu protvanu na bele točke.
Na mladost, na igru. Na zanavek.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.