Bruno Bogović | Pismo prijatelu Zagorcu

Nema tog gorja, niti plavega morja,

kaj lepše je od našega Zagorja.

Duša ne pamti tak milega raja,

od domaćih poljskih steza i friškega šumskega gaja.

Navek se zmislim Zagorcov starih 

radišnih, pobožnih, kak i mudrih,

pajdaša mi vedrih lica,

i ćudi bez kaprica.

Po istini govoreći tu nema vekšoj sreći,

od silnih gorja, kak i plavih morja,

kaj lepše je od rodnega Zagorja

Zmisliš se prijatel moj,

kak povedala je negda mati,

sinek, v bel svet hodi,

al' domeku se na koncu vrni i tu si popevaj veseli poj.

Nema na svetu gorja, niti glibokoga plavega morja,

kaj lepše more biti od ljubljenoga Zagorja.

Gda grozdje dozreva i ptiček na grani popeva,

muži su sretni čim najdu se pri kleti,

dok teče kapljic noja – to prava je vinska boja,

v lonček zemleni se toči, do dugo, dugo v noći.

Lepoto i milino,

zagorskih bregov naša vilo,

nema na svetu takvega gorja, niti plavega morja,

kaj milije more biti od zelenega Zagorja.

Starem prijatelu v pismu pišem:

tuđi svet ne mari preveč za tople nam reči glas,

naj si misliti da je Nemačka blago na ovem svetu, kak niti Australija v isti čas.

Htel bi da mi ko i negda, duša more čuti lepi ptičeka glas,

pa se bum vrnul z tuđine, v skromni mi dragi dom,

jer nema tih gorja, niti plavih morja,

od srcu nam lepšega Zagorja!

Fotografija: Arhiva B. Bogović