utorak, 29. prosinca 2020.

Siniša Cmrk | Ve spiju slavuji



Zmrzla se zemla, kak trda žemla pri peči.

Ftiči još išču kaj se v kluneke pospraviti da,

V nebo ludi glediju, Sonca so toploga šteči,

Nekak se pospano i trudno vlečem po dnevu i ja.

 

Poslušam, ni žvrguta tičjega moči čuti,

Smržnjena glista vu blatu ostala je kak znak.

Megla dneva mesi i kak da ga polefko guti,

Nekak se i krov sfrknul, kak da ga tišče zdeni zrak.

 

Jesenski dnevi odhađaju kraju, a zima ide k nam.

Dimi se z krovov leno, kak da bi vu vroče puhnol,

Nekak vu ovo vreme se čovek zmisli da je mali i sam,

Slavujevu pesmu po duši premeče, tak bi ju rada posluhnol.

 

A, Slavujov ve nega, nekam so tišli, dalše odleteli,

Jer znaju da se ve tu, pri nami postiha počivle,

A tak je bilo i bo, se prejde makar mi to i nej šteli,

No sejeno, lepota, ak ju čuvleš, se navek v duši skrivle.

 

Slavuji moji gde ste? De se den za denom isto slaže,

Tam gde je žarko i gde vam je domovina, od zime spas.

Se vrnoli bote? Premaletje se iza zime nam pak pokaže,

Zglancajte perje, čekam vas. Fučkam vašu popevku na glas.

 


Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.