Ona je bila okrugla
debeljuca, mala
s crljenim obrazima
i osmihom na ustima.
On, visok, mršav
ka šparuga ravan
vajka šerio, rigvardož
i rišpetož.
U kampanju su hodili
i ča im je rabilo nosili.
On sprida, vajka prvi
a ona pomalo za njim.
San hi tako gledala
misecima, litima.
On vajka penšjerož
a ona u ruke nosi mac rož.
Je doša štajun
da je osta sam.
Po putu kad gre
svako malo se obrne.
Je kaj bljušt
suh, nakriven
kaj da je bez dažda
i na cimitar gre vazda.
Na grobu maci cvića
i upaljena svića.
Forši će doj ta srića
da gren poli nje do prolića.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.