nedjelja, 25. kolovoza 2019.

Katarina Zadrija | Jutre doma



Z gostoviečkoga brega sounce shaja.
Sried sinokuše trava se zazibala.
Svete, mierne jutre, nedelja je.
Nište se na službu ne žuri.

A šte i bi? Zginuli nekam su ljudi.
Ni rožak ne kukuriče,
Ni blage v štale ne muče.
Cucek više nije cucek,
Kak miš se po hiže smuče.

Se je mrtve, nie to ona svetiešnjoga jutra čkomina.
Pak se neke v trave ziblje i poskoči.
Maček još jedini tomu
Zakuzmanomu betežljivomu mieru doskoči.
Ruček si je vlovil, sad mieren bou v san uplovil.

Kak za douge bougi bou Maček pitom, hižni?
Dok družina zgine, miše polovi.
A ounda bou kak i njegof brat divlji
Po bregi sam hojdil.

Ni vika dece, ni tačke do mljekare ne cvile.
Zginule se je, za bolšim življenjem v stranjske daljine.
Meda i mljieka smo šteli,
A dobili smo kartu za v svijet bijeli.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.