Zake se baka skrivečki plače, pitati nis vupala.
Jenput sam ju našla da gledi pužutelu sliku.
Gladila ju, kušnula, pak puspravila v molitveniku.
Bila je to stara slika, mladuga vojnika.
Vremena minuluga, zarobljenika.
Unda mi puvijedala; rat je zlo, tu ni pravice.
Ustavlja siruočiče gladne i žalusne duvice.
Tvuoj dedek, muoj muž dragi zginul je v ratu.
Negde daleke ostal, zamrmljan v tuđem blatu.
Puoziv je došel, ni praf znal kam i zake muora iti.
Da bar ni prešel, da sam ga mogla kam skriti!
Ublijekel se, na vrati duge, duge je stal.
Dečicu i mene k sebe je stiskal i kušuval.
Još teri cajtek da bi si vkral.
Da se vrnul nigdar ne, kagda je znal.
Žalust i buol vu vanjkuš prazne postelje sam skrila.
Na njeguve meste nigdar nikuga nis pustila.
Ne znam mu groba, ostal mi same blijedi kipec mali.
Molitva i nada da se Gore opet bume stali.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.