Darko Foder | Beršljon i lipa

Koa spajiti nigdar nemru ljudi,
kak ti Boagek dragi spoaji,
vnuagi kmet i goaspun
toamu furt se čudi.

Vuletje živoata
znikla je kre cirkve mlada
zagarska bujna lipa.
Štimala se rada.
Koa najboalje je znala
dielala je;
ljudem hlada furt je dala,
sake je lete liepe dišala,
kak se ljudi žene i kušuju,
frajla je lukala
i f toamu se i una
na ljubav ponukala.

Saku jesen ad ljubavnega jada
listje njejne vene.
Furt pa zime vmirala je.
A i una bi ljubav štiela dati,
so silu ne bi štiela
saku zimu zaspati.

Prišmajhlal se tak k njejne kuare,
vuletje, zeleni beršljon.
Datepel se z velike gare
i some ju miluvati štel.
K lipe pripijeni petal ju,
koa znarela je skoare, eli dalje nie smel!
Pa su jeno nedelju zavete si dali,
skup z jednemi mladenci
za naviek si ljubav abečali.

I čez zime hude
lipa več nie vmirala.
Z beršljonevim poaplunem zelenim
se pakrivala
i f tuaplam srečna vživala.

Pone liet su skupa rasli,
nebe skoare dasegli,
mesec v sverži fpregli.
I tak, se da dneva
da se gerde vrieme stirale.
Z bielega je černi dien pastal.

Na se je stroni pocale,
musikale, bljesikale.
Beršljon se v lipu stiskal,
kak da je znal
da tie je pekel radi njega doašel.

V beršljona pekoča počila je striela,
pa su ga takvega skurenega, zmočenega,
fsekli da čim pre zgine.

Lipa ga ni unda pustiti nieje štiela,
nieje dala da im ljubav mine.
Žnjim se poačela sušiti
se da zadnjeg lista.
A ljubavi beršljona i lipe ljudi doge su paviedali,
siem na čuđenje, kak sudba bila im je ista.

Zbornik recitala „Stara lipa“
Vrbovec, 2019.

======

beršljon – bršljan, koa – što, spajiti – spojiti, nigdar – nikad, nemru – ne mogu, vnuagi –

mnogi, kmet – seljak, goaspun – gospodin, furt – uvijek, vuletje – proljeće, štimala se rada –

rado se hvalila, dielala – radila, lada – hlada, kušuju – ljube, frajla – gospa, lukala – gledala,

una – ona, ponukala – potakla, saku – svaku, ad – od, vmirala – umirala, štiela – željela, so

silu – svom silom, prišmajhlal se – umilio se, kuare – kore, datepel se – došao nepozvan /

banuo, gare - planine, some – samo, štel – želio, petal ju – dirao ju, znarela – izludjela, eli –

ali, jeno – jednu, za naviek – zauvijek, abečali – obećali, čez – kroz, hude – jake, več nie

vmirala – više nije umirala, srečna vživala – sretna uživala, pone – puno, dasegli – dosegli,

sverži – grane, fpregli – upregli, da dneva – do dana, gerde – ružno, stirale – stjeralo, černi –

crni, pastal – postao, stroni – strane, musikale – sjevalo, bljesikale – bljeskalo, pekel – pakao,

pekoča – žareča, počila je striela – udario je grom, skurenega – spaljenog, zmočenega –

izmučenog, fsekli – posjekli, čim pre zgine – što prije nestane, unda – tada, žnjim – s njim, a

ljubavi – o ljubavi, paviedali – govorili, siem – svima