Moje su ravnice,
kak zagorske pelnice.
I moji su bregi
takšni,
kakve nigdar pre
videl nigdo ne.
Moje su kupičke,
skup z lagvički
poslagani,
z desna na levo
i s leva na desno.
Sikak,
v kriš-kraš,
dobro mi
došel pajdaš!
Bilo kakšne fele,
bil boje
črne, žute,
rdeče il' bele.
Dobro došel
k meni,
med rojžice cifraste,
med drač
i med cvetje.
Bil' kakve vere,
bilo z mesecom,
z Istokom il' Zapadom,
zi svečnjakom preklapano.
Vre da si
meni došel,
loše neš prošel.
Pri nami
sega
puna je hiža,
za saku veru,
za sakakvoga
ljudskoga križa.
Gdi dobra vola spi,
tam cvetje za se
jednako diši!
Dobro mi došel,
v moje brege i ravnice,
v moje sončeko,
v moje megle
i v moje kmice.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.