“ Protuletje nam dohaja
ves svet mu se veseli
da spod grma fijolica
svu glavicu vum drži…”
stara pesma tak veli
….
a de su naša protuletja
de su naša polja cvetna
de su prve fijolice
i se mile pajdašice
de su naši dragi dečki
prvi kušleci skrivečki
Kam je prešla lepa mladost
kam je dišla ona radost
da smo bili lepi mali
da smo se pre vagi zbrali
i dok su spale male hiže
mi smo stiha popevali
međimurske stare viže…
De su leta sa žareča
mirnog doma tiha sreča
de je kupanje vu Dravi
dok se len vu polju plavi
De su kosci v rana jutra
de je z mrzlom vodom putra
De su polja zlatnog žita
prepelica v travi skrita
De je ringlišpil drveni
slatki cukorek črleni
de je sladoledar stari
i cifrasti licitari…
Zginula je lepa mladost
dosmicala se je starost
jesen se živleja kaže
terha nam na hrbet slaže
iskru z oka nam je fkrala
lasi v belo pofarbala…
Samo jen spomenek mali
v kotu srca se zrcali
kaj bi bilo doge noći
do kraja zdržati moči…
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.