nedjelja, 6. listopada 2019.

Katarina Zadrija | Prašina


Zabila sem rouke
Vu tu meku touplu prašinu
Do lakta
I narajši bi se vunje kak kokoš
Sfifeljila
Če baš bi i sa prašna bila.

Na svoje grude,
Na svojem sem doma!
Tu lasi mi i bez
Maske, balzama i šampona

Kak batunika diše
I meka toupa prašina
Bolje nak čokoladna kupka
Mi godi.

Dojdi, neboj se,
Skup z doumlju
Zabi rouke vu tu prašinu
Nek bose ti noge grieje
Nek srčece od sreče ti se smieje!

Oko pojasa me privini,
K sebe pritisni,
Prehiti
Nek skoturamo se skupa
Kak špekule po prašnomu poutu.

Naj se bojati rouke v prašinu porinuti,
Suha je, same ju stepeš
Z vodu zo sebe spereš.
Onoga kej voda oprati more
Nek nebu te stra.

Črnoga obraza ti se boj
Njega ni šmirglin osvetlal nebu!

Nema komentara :

Objavi komentar