 |
| Foto: Nikola Wolf |
Vu zimsko, zdeno popodne
med snežnim zapuhima,
koji senjaju svoja bela senja,
vu zmržnjenoj reki leži stari čon.
Lučejo ga joči, koje nemajo svojo hižo,
al im je zanos isti kak sakoji prispodobi
kojo prevzeme opčutek.
Jel ova zdenjava i ova reka znado gdo sam:
vrpa zbitih deski, tepec, nečiji sluga?
Koji šumak veli da mrtve stvari ne pripovedajo?
Of stari čon kaj da je moj čon
z reke Drave, z moje Podravine,
i on zove moje ime, a nišče ne čuje:
"Gde si, kaj te nema?
Led me zarobil, veter i sonce rasušili,
vali spotrli, za me nišče ne mari.
Gdo bo meni dal novo živlenje?
Gde si tak dogo?"
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.