Kolumne

četvrtak, 19. listopada 2017.

Tibor Martan | Na vrhoču… angeli


V noči gda veter z orehovi grani
po čreplju drvenoga palanjka
svoje pripovesti spisavlje,
na me z rameca na steni babičine hiže
plava oka angelof glediju.
Rokice, blede, tak pobožno skup na prsi drže,
dok im svetli laseki nakičeni z rožica
prek do ramenci cure.
Obrazeki im okrogli, i fest črljeni,
baš kak dišeče božičnice spodi cmreka
v žitku i slame na Koleni post.
Vabi ih nekaj z kipeca dol,
prose kak bogci za proščenja pokle poldašnje meše.
Srčeko mi drhče i stiha poveda:
V nebiče bi zajti šteli!
Bum v kraj vugnul spredi angelof
zasajeno steklo od ognjeca sveč,
kaj bi se z krilcima zlatnemi mogli gori stati
i vu vrhoča ruške kraljuške sredi grunta
lefko otprhati.
Tam ih čaka postelj od zvezdi,
robače vu zorje oprane, medeni tragi čmel,
grlena popevka bele grličice,
sončeva osmeha svetlost,
i večna ljubaf Presvete Marije.

Tibor Martan, NoviMarof
Prvo mjesto
_________________________________________________________

Vezane objave:

Imena pobjednika natječaja „KAJ 2017“

Rezultati natječaja KAJ 2017. časopisa za književnost Kvaka
1. Natječaj kajkavske poezije – časopisa Kvaka „KAJ 2017“

Nema komentara :

Objavi komentar