na vijac prez konfina
kad tornat
ne buden mogla ni otela
zome svetu reci
i ono ca son od sebe skrila
reci da son bila ženska zrela
va duše velo dete
sedena i mehka
a trja od
kamika istrijonskega
reci kako son milo
na tvojen ramene šamuljala
dok drugi so mi dušo mrvili
srce pod nogami gazili
reci da son zjutra ranega
va mladoletak poletela
kad me je sunce zobilo,
samo drugeh teplilo
reci kako si moji difeti
s pacijenco kombati
tvoji konfeti so bili
kad son se tiho, po tiho
va tvojen srce njezdila
i va njin nošla svoj mir
reci da son se smejala
kad son najviše patila
da son siromahi kapila
sunce i mesecino
samo zote va macići pobirala
reci, semi zome pravi
samo nemoj jedinemu reć
kako son i koliko
po žilah ti tekla
radi te imela.
Neda Milenkovski - Labin: pjesme pisane labinjonskom cakavicom
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.