Katarina Zadrija | Gledim, ne vidim

Gledim ne vidim

akvarele na nebu, 

ikebane na sinokuše,

ne čujem kak v rasvič 

pesma šumskoga zbora 

ves sviet budi.

Gledim, ne vidim...

Ljucka rieč mi je mrenu na oči navljekla. 

Zgrožena, strahu prenaša, senje tere i trajba 

dodga v nji radost ne splasne.

Potmuljena, grda, cvietje na traniku hrda. 

Ljucka rieč, ljucki otrof, 

za dušu, za tiele, za življenje. 

Ljucki začin, same male med prsti soli. 

Na vreče se soul ne broji. 

Ljucka rieč, truje, ne opominje, 

glođe savest, tere življenje. 

Preveč je, je. Nema meru, grda. 

I ona lijepa, draga i tučna meru je zgubila. 

Strahu sem, mrena na oči steze mi zamagljila. 

Strahu sem, draga ni rieč poute je k mene zgubila...