Robert Frost | Na zapuščenomu groblju

Travnatom stezom živi se šeče,
Čita na bregu grobne kamene,
Groblje navabi živog kaj skrene,
Mrtev ni jeden dojti več neče.

Vers na kamenu ovak je pisal:
„Denes živ čitaš, al’ kaj buš znal,
Se dok si živ, na put se buš dal,
A zutra buš mrtev i tu buš stal.”

Mramor o smrti z ufanjem piše,
A zna da časa prešlo je više,
Nigdo ni mrtev na groblje zašel.
Kakvu je čovek zadršku našel?

Najbole da se kamenu reče:
Hmiranje je čoveku prežmefko,
Zato več nigdar hmirati neče.
V tu bi laž kamen veroval lefko.

Robert Frost (1874 –1963) "In a Disused Graveyard" (zbirka "New Hampshire" - Henry Holt & Company, 1923.)
prepjev: Aleksandar Horvat