Kolumne

Jelena Hrvoj
Patnje mladog autora

Ela Ernoić
Rozin kutak

Mirjana Mrkela
Ispovijed jedne čitateljice

Jelena Miškić
Pramcem u sumrak

Martina Sviben
S kodom bluesa i balade

Aleksandar Horvat
Kajkavsko najže

nedjelja, 27. ožujka 2022.

Davorka Črnčec | Napršjak cajta


Dešč pomalem po žlebu čvapka,

kak i fčera, stiha žlaburi.

I zutra bu curelo,

mesec skriti za oblakom mi veli.


Pre banderi, vidim črez oblok,

tanca cifrasti matul, jedini svedok.

Kak da dežđa bantuvle,

bleščeču mesečinu zove.


Brščas je cajt za iti si počinoti.

Dosta je mamičin vajkuš doteknuti-

kak na nedelnoj obleki čipka je našterkani.

Podehnem ga i odma

v robači spuhjenih rukavi,

v novoj kikli zrihtana,

vnuka se nebre fčekati štandi i  ringišpila.

Pajdoč pisanu bebu zagledne.

Rom takšnu išče nemam-baku pogledne.

Sikak bu i na večernicu ftegnula

a potli, več zna, deda na gvirc,

ona po medenjake, bu ih z bratom podelila.


Nucala bi ve njegovog škrloka

kaj napršjak cajta z njim zagrabila

kak gizdava lepošnota

v novoj za proščeje obleki pucka.


Črez blok mi mesec namigavle,

na potep matula napelavle.

Zvon z cirkve novi den pozdrovla.

Ili to deda od zgora z gvircom nazdravla.



Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.