Željko Bajza | Belostenec kamen stenec

 

Belostenec glibok zdenec našeg sečanja,

Belostenec kamen stenec našeg trajanja.

Tvoja reč je črez stoletja bila luč nam nadanja,

čuvala nas kakti mati črez sa stradanja.

Mudrost tvoja i vrlina dostojni su slave,

tvoj “Revolutio” još zvoni mi v glave;

“Svoja hiža, svoja volja,

drugem druga naj bu bolja…”

Aldujem žrtvu, činim i dajem,

pu tvojeh stezah hodeč još trajem,

za reči tvoje čvrste vere sem prosil,

dok živem ogenj bum tvoj prenosil.

Ti kaj si vu pameti bil bogat vsigdar,

Ostal si zviranjek kaj ne presehne nigdar.

A tvoj “Gazophylacium”, horvatskeg doma nam ščit i čuvar,

Pazime kak spoznaje zipku i blagega oca zavetni dar.