Kolumne

subota, 10. travnja 2021.

Darko Foder | Kaplja

 

Poaklje sonca oablak dahaja,

siem nam se spriema nebeska stvar.

Čez jenu kaplju cieli sviet se napaja,

sakamu i semu tua Buažji je dar.

K zemlje curi,

čez zrak se smiče,

fejst se žuri,

leska, blesiče.

Kapljica draga

f semu te lučem,

ad svega praga

kom goad se zasučem.

V zelene gare, f sake hoste,

na njive, ledine,

čez šipražje goste,

v jome černe i nedaseče visine.

Kak dejžđ, kak terda toča,

kak megla, kak roasa žejoča,

kak mraz merzli, snežina mekoča.

V mlake, f patuaku,

v bereku, bare i riečnemu tuaku,

čez švicnu moku i v čaviečjem oaku.

Da mora se stače,

se nas ta kaplja veže,

cijeli sviet namače,

pitunja živoata i smerti pateže.

De sme si mi

če kaplja nam zgine?

Nek kaplje! Zdignite roke si,

some nek kaplje z visine!

Nek teče v žuboreče bistrine!

Furt nek se pretače!

I cieli nek sviet zna,

koa num te kaplje za živat znače.



2. nagrada na recitalu „Draga domača rieč“

Ivanec, 2018.


Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.