(dvadesetsedma kratka priča pisana pretežno šoltanskim dijalektom)
Ne sićan se zapravo kad san se poče strašit, brž nikako u isto vrime ka i svako drugo dite ili su na me uticale priče u najranijen dobu mojega života. Još tamo u šezdesetin godinan, prošlog stolića,..ajmeee koliko san star.., u mojin Grohotan, sidili bi na kamenin klupan, koje su zvali „saada“, na malešnon trgu, blizu kuće moje bake.
Obično bi se okupi svit u kasno popodne, oliti prid noć, stariji i nas nikoliko dice. Bilo nan je to i radio i televizija.
Često je glavnu rič vodi barba Fabe, Fabulo kako su ga zvali. Suhi i visoki simpatični starčić, vično sa španjuleton u justima, koji je doživi osobnu tragediju, još za vrime Drugog svitskog rata, kad su mu, na splitskon pazaru, prilikon savezničkog bombardiranja, poginuli žena i ćer... eeeh! Čin bi poče pričat, svi bi umukli, a ja bi se stisnu uz nikog starijeg, jerbo san zna ča slidi. Razgoračenih očiju sluša bi o njegovin doživljajima iz mlajih dan, koji nikog od dice, a bome i drugih judi, posebno žen, nisu ostavjali ravnodušnin. Štaviše, čuli bi vlastito srce, kako lupa ka poludilo. Teško si moga ostat miran, kad bi toliko uvirljivo poče pričat, da se iz njegovog pogleda i boje glasa dalo naslutit ništo strašno. Tako su se jednon usidrili sa brodon u nikoj šoltanskoj vali čekajuć krcanje japna. Stavili su skalu na kraj, a on je izaša vanka da protegne noge, dok su drugi pripremali stivu. Inšoma, pogleda je prima gori i ugleda niku ženu sa šudaron, kako se pomalo docen spušta do mora. Vrag mu ni ti dat mira i on je krenu ususret njoj. Odma je zavika: „Eej, koja si ti, eej?!“, a ona je stala, bez riči, držeć pognutu glavu. Barba Fabe, farabut, mlad i odvažan u to vrime, začas je doša do nje i rukon je uvati za bradu, pa joj podiga glavu. Jema je ča i vidit.
Po njegovin ričiman, bila je to jedna žena iz sela, koja je nedavno umrla. On se skameni, a ona se okrenula i nestala puten kojin je došla. Skoro je razbi obe noge, jureć po škrapan i priko skal uleti brzinon munje u brod, pa su ga mornari gledali u čudu. Doli, u prostoru di su spavali, sva njiova roba bila je iskidana i razbacana po podu, a njegove ruke postale su pune tamnih flek. Na stranu, koliko je ko virova u to, no nije nan bilo baš svejedno. Dok se on kle u svoje najdraže, kako govori istinu, nike od nas obuze je veliki strah. Jedva san dočeka da se ranije navečer, kad se išlo leć, skukurušin u sridu, izmeju bake i dide. Parilo mi se to, ka pravi spas. Još bi ih moli, neka malo ostave otvorene škure, da barenko vidin bokunić svitla, oliti misečine. Ti problem nastavi se i daje, a niki moji prijateji, oli bližnji, nisu imali tak'ih muk. Valjda san uvik puno razmišlja i srcen se unosi u sve ča triba i ne triba. Tako smo jednon. moji rojaci i ja, morali ostat spavat na gornjen podu naše obiteljske kuće, u selu. Pokuša san ih nagovorit da skroz ne zatvore ponistru, pače škure, ali su me skoro svi, napali ka bisne zviri, jerbo in je smetalo bilo kak'o svitlo.
Slično se dogodilo i kad smo išli na izlet kod očevih prijateja, u Sutivan. Radi grubog vrimena, nije vozi nazad brod za Split, pa su mater, oca, mene i još nike jude, smistili na drveni pod u jednoj velikoj sobi. Ni moga proć ni tračak zraka, a kamoli da se vidilo vanka. Još je fijukalo jugo, deboto da će odnit cilu kuću. Jo, da mi je bilo upalit sviću, no ipak me je, izmorenog i pospanog, prid jutro, svlada san. Potla je uje na vatru, nadolila i meni draga, legendarna humoristička serija Radivoja Lole Đukića „Ogledalo građanina pokornog“, koju smo mater, otac i ja gledali na našemu prvome televizoru, u našen prvon spli'skon stanu! Baš to ogledalo, na kojen su se Miji Aleksiću pojavljivali umrli preci, tiralo me da i daje gorin sviću, kad bi iša leć. Ništa nisu pomagala uviravanja, pomalo s osmihon i razgovori sa mojima doma, ka ča nisu ni prin tega. Tribalo je taj neugodan osićaj pribrodit sam u sebi, iako bi vrime učinilo svoje, ali tada i tako mali, ja to nisan zna. Kad san bi mrvicu stariji, u Rogaču, di su moji radili kuću, moglo se već ostat prispavat. Ipak, selo me više vuklo, bez obzira na mogući strah. Zapravo, mi dica želili smo slušat tak'e priče, a istovremeno ih se i bojali. To je ona dičja radoznalost, mnogiman teško razumljiva.
Dobro pamtin, jedne lipe litnje noći, reka san sebi, neću ostat kod bake, nego iden sam u Rogač, pozdravi se sa mojima u selu i krenu ravno prima crikvi, di me vodi put. Čak i u to doba, iako ne previše kasno, nigdi ni bilo žive duše. Zbog slabog svitla, pričinjale su mi se svakak'e prikaze, a hučanje čuvite, simbola moje Šolte, po starin Grciman simbola mudrosti, pojačavalo je dojam nelagode. Moga san zaokrenut drugon stranon, ali san baš ti proć kroz stara gvozdena vrata, koja su bila na ulazu u dvor isprid crikve, dok mi se s moje desne strane ukazalo grobje okruženo starin čemprsima. Tutnjalo mi je u prsiman, jače nego crkvena zvonjava, no hrabro san korača daje. Okrenu se još jednon da pogledan na obrise grobova i ulaz u crikvu, pa proša kroz druga vrata i naša se na cesti, ponosan na sebe. Iza mene, ostalo je Grohote, a preda mnom su se ubrzo ukazala treptajuća svitla Splita u daljini i bljeskanje mora u mojen lipon Rogaču. Osića san se, sad znan, ka James Stewart u Vrtoglavici, kad je pobidi strah od visine. Spuštajući se sa Brda, diga san i upra ruke u nebo, ka da ću obgrlit misec od sriće. Parilo je da mi se nasmija i reka iz duše: „Bravo, bravo Žele!“
Obično bi se okupi svit u kasno popodne, oliti prid noć, stariji i nas nikoliko dice. Bilo nan je to i radio i televizija.
Često je glavnu rič vodi barba Fabe, Fabulo kako su ga zvali. Suhi i visoki simpatični starčić, vično sa španjuleton u justima, koji je doživi osobnu tragediju, još za vrime Drugog svitskog rata, kad su mu, na splitskon pazaru, prilikon savezničkog bombardiranja, poginuli žena i ćer... eeeh! Čin bi poče pričat, svi bi umukli, a ja bi se stisnu uz nikog starijeg, jerbo san zna ča slidi. Razgoračenih očiju sluša bi o njegovin doživljajima iz mlajih dan, koji nikog od dice, a bome i drugih judi, posebno žen, nisu ostavjali ravnodušnin. Štaviše, čuli bi vlastito srce, kako lupa ka poludilo. Teško si moga ostat miran, kad bi toliko uvirljivo poče pričat, da se iz njegovog pogleda i boje glasa dalo naslutit ništo strašno. Tako su se jednon usidrili sa brodon u nikoj šoltanskoj vali čekajuć krcanje japna. Stavili su skalu na kraj, a on je izaša vanka da protegne noge, dok su drugi pripremali stivu. Inšoma, pogleda je prima gori i ugleda niku ženu sa šudaron, kako se pomalo docen spušta do mora. Vrag mu ni ti dat mira i on je krenu ususret njoj. Odma je zavika: „Eej, koja si ti, eej?!“, a ona je stala, bez riči, držeć pognutu glavu. Barba Fabe, farabut, mlad i odvažan u to vrime, začas je doša do nje i rukon je uvati za bradu, pa joj podiga glavu. Jema je ča i vidit.
Po njegovin ričiman, bila je to jedna žena iz sela, koja je nedavno umrla. On se skameni, a ona se okrenula i nestala puten kojin je došla. Skoro je razbi obe noge, jureć po škrapan i priko skal uleti brzinon munje u brod, pa su ga mornari gledali u čudu. Doli, u prostoru di su spavali, sva njiova roba bila je iskidana i razbacana po podu, a njegove ruke postale su pune tamnih flek. Na stranu, koliko je ko virova u to, no nije nan bilo baš svejedno. Dok se on kle u svoje najdraže, kako govori istinu, nike od nas obuze je veliki strah. Jedva san dočeka da se ranije navečer, kad se išlo leć, skukurušin u sridu, izmeju bake i dide. Parilo mi se to, ka pravi spas. Još bi ih moli, neka malo ostave otvorene škure, da barenko vidin bokunić svitla, oliti misečine. Ti problem nastavi se i daje, a niki moji prijateji, oli bližnji, nisu imali tak'ih muk. Valjda san uvik puno razmišlja i srcen se unosi u sve ča triba i ne triba. Tako smo jednon. moji rojaci i ja, morali ostat spavat na gornjen podu naše obiteljske kuće, u selu. Pokuša san ih nagovorit da skroz ne zatvore ponistru, pače škure, ali su me skoro svi, napali ka bisne zviri, jerbo in je smetalo bilo kak'o svitlo.
Slično se dogodilo i kad smo išli na izlet kod očevih prijateja, u Sutivan. Radi grubog vrimena, nije vozi nazad brod za Split, pa su mater, oca, mene i još nike jude, smistili na drveni pod u jednoj velikoj sobi. Ni moga proć ni tračak zraka, a kamoli da se vidilo vanka. Još je fijukalo jugo, deboto da će odnit cilu kuću. Jo, da mi je bilo upalit sviću, no ipak me je, izmorenog i pospanog, prid jutro, svlada san. Potla je uje na vatru, nadolila i meni draga, legendarna humoristička serija Radivoja Lole Đukića „Ogledalo građanina pokornog“, koju smo mater, otac i ja gledali na našemu prvome televizoru, u našen prvon spli'skon stanu! Baš to ogledalo, na kojen su se Miji Aleksiću pojavljivali umrli preci, tiralo me da i daje gorin sviću, kad bi iša leć. Ništa nisu pomagala uviravanja, pomalo s osmihon i razgovori sa mojima doma, ka ča nisu ni prin tega. Tribalo je taj neugodan osićaj pribrodit sam u sebi, iako bi vrime učinilo svoje, ali tada i tako mali, ja to nisan zna. Kad san bi mrvicu stariji, u Rogaču, di su moji radili kuću, moglo se već ostat prispavat. Ipak, selo me više vuklo, bez obzira na mogući strah. Zapravo, mi dica želili smo slušat tak'e priče, a istovremeno ih se i bojali. To je ona dičja radoznalost, mnogiman teško razumljiva.
Dobro pamtin, jedne lipe litnje noći, reka san sebi, neću ostat kod bake, nego iden sam u Rogač, pozdravi se sa mojima u selu i krenu ravno prima crikvi, di me vodi put. Čak i u to doba, iako ne previše kasno, nigdi ni bilo žive duše. Zbog slabog svitla, pričinjale su mi se svakak'e prikaze, a hučanje čuvite, simbola moje Šolte, po starin Grciman simbola mudrosti, pojačavalo je dojam nelagode. Moga san zaokrenut drugon stranon, ali san baš ti proć kroz stara gvozdena vrata, koja su bila na ulazu u dvor isprid crikve, dok mi se s moje desne strane ukazalo grobje okruženo starin čemprsima. Tutnjalo mi je u prsiman, jače nego crkvena zvonjava, no hrabro san korača daje. Okrenu se još jednon da pogledan na obrise grobova i ulaz u crikvu, pa proša kroz druga vrata i naša se na cesti, ponosan na sebe. Iza mene, ostalo je Grohote, a preda mnom su se ubrzo ukazala treptajuća svitla Splita u daljini i bljeskanje mora u mojen lipon Rogaču. Osića san se, sad znan, ka James Stewart u Vrtoglavici, kad je pobidi strah od visine. Spuštajući se sa Brda, diga san i upra ruke u nebo, ka da ću obgrlit misec od sriće. Parilo je da mi se nasmija i reka iz duše: „Bravo, bravo Žele!“
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.