Z svetem se Đurekem spominjala.
Jarilu dečkieru mladomu prišepnoula :
Zidi vun, sramiti se naj,
Pogleč oca si preljiepi kraj.
Male se same laka mi duša
V zraka podigla
Kej morti bi vile puce fajne
Kre potouka vidla.
Tam visibabe su ocvele
Zvonček još same zvoni.
Vilam na znanje daje :
Stigli su gosti nepozvani.
Priek brega sad dušica moja putuje
Koga bi pitala :
Šte je kriv, je ona još navek morti za vmiti
Če vile dieve čiste nemre videti?
Putuje polaku, ne bou se v oblake digla
Ni z zviezdi narodu se smejala.
Stiha, polaku bou putuvala,
Da ne bi odzgora z visoka
Nagle na zemlju tropila, opala.
Vu lipe se stare same zadene,
Vidu vu lipe rada bi vidla.
Al Vida se v duhu dišeću prevrnoula,
Da sreča i radost, ljubav bi
V saki se brak vrnoula.
Još male, same male
Dušica moja se bou priek brega podigla.
Tam na Bistrice, Majke bou Bouže prišepnola :
Draga ti naša mati, ti koja znaš
Kak touga i bol srce more razdirati,
Prosim te zmolji pri ocu da nigdar više
Poradi rata ni jena mati ne pati
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.