Čudnuvate blešči rane vjutre trava.
Mesec svoje zadnje špekulice resipava.
Za bregem sunčeke se stiha diže.
Puzdravlja i smije se čez okne moje hiže.
Lijepi dan se kaže, ne morem više spati.
Kokut, vrtek, ruožice zoveju, najbolje se stati.
Čez grmlje se prevlači muoj maček črni.
Mic, mic duojdi sim, k mene male skreni.
Rad bi došel, eli su mi muokre cape.
Rosa je, a ja ne nosim šlape.
Senek, naguvarati se neda duge.
Skoči na okne, pak si stepe noge.
Čez bijeli fijerung črnjak se presmekne same.
Skok, dva i več se jusi v moje rame.
Kut si hodil, de cijelu nuoč si bil?
E si mačke naganjal, miše lovil ili se kam skril?
Črna nuoč i mesec blijedi dragi su mi pajdaši.
Pu šume, čez klanjce, polja skitam se najrajši.
Truden sam zate i puspan zdej.
Če imaš koj jesti i mira mi dej.
Tebe sunčeke zove i lijepi dan.
Ja kmicu čakam da prejdem van.
Zdej spat idem a kvečeru pak na zrak.
Zate mi ljudi veliju “kmični črni coprnjak”
Nek veliju, za me si muoj dragi anđelek črni.
I zutra me rezveseli, čez okne mi se pak navrni!
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.