Kak sviter hiekljani bedzgek se gizda.
Su srdljivec mu rekli.
Široučku ga sekli.
Drieve je kakti za niš.
Srčece mu spuknu.
Od kodelje kugle v njega fteknu.
A kej bi sad od mene šteli?
Prelec ja niesem, zake su kudelju mi deli?
Dečec gda mali kudelju namata,
Pucicu ljiepu škica,
Pak si premišljava
Kak povedal bi je da mu se dopada.
Kudelju boum v kuglu namotal,
Nek nebu ona trda, da ne bi boljela
V bedzgek boum ju fteknul
I punul...
Nek kodelja ju po licu podraga
Zažekče kak kušlec kej rada bi je dal
Gda bi znal, da smejala mi se nebu
I za cirkus me imiela.
Bedzgek čkomi i grunta
A morti senjek za neke jesem i ja
Morti me od denes
Za Amora imeli boudu...
Gda dečec je drieve napunil
Pak polaku je punul,
Ona se vleknula, pak se nasmejala
A bougec on mali same se posramil
I k bedzgeku pritisnul.
Gda od srama se on stiska
Roučica jena po ličeku ga podraga
Ni snašel se nie,
Več kušleca je dobil.
Fala ti bedzgek
Kej granu si svoju mi dal,
Drugač nidgar ja ne bi
Da ona me rada ima znal!
A bedzgek vesel
Da mladu bi ljubav proslavil
Bieli hekljani sviter
Na oštiecki si je zahitil
Šikaru ukrasil.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.