Milan Frčko | Razgovor s Bogom

Vrijeme je zašilo staze djetinjstva.

Sada ih jedino uspomene vide.

Kroz sjećanja se sasvim tiho ide.

Suza za čas u tvojem oku zablista.

Vidiš stihove koji dom svoj traže,

kroz muze, nadahnuće i tišinu.

Blago onom komu odmah stihovi sinu.

Pisanje nije sunčanje sred plaže,

već je probijanje najtvrđeg zida

i rudarenje po vlastitoj duši.

Čim pomisliš kako se svijet tvoj ruši,

primit ćeš blagoslov iz visina.

Najteže borbu vodiš sam sa sobom.

U tom trenutku razgovaraš s Bogom.

Foto: Nikola Wolf

Milan Frčko | Ljubav

Ljubav je zelena i u srcu živi.

Ponekad pupa i na staroj grani.

Ljubav cijeni umjetnost. Stalno ju slavi.

Ljubav je slijepa i ništa ne vidi

osim onoga u koga se odmah zaljubi.

Ljubav je najljepši cvijet na svijetu.

Voli Bogorodicu, Majku svetu.

Tiho govori: "Radujte se ljudi".

Prava ljubav je nijema. Ona je vatra.

Zagrije vam srce, a drugo zapali.

Krhka je ako se lomi od prvog udarca.

Uporni znaju što je umijeće ljubavi.

U ljubavi, jedno srce drugo hrani,

izvadi ljudsko srce i natrag ga vrati.

Foto: Nikola Wolf

Milan Frčko | Vodena rebra

 

Som  glavu podiže. Poljupce dijeli
i malene mušice čardaš plešu,
a umjesto žapca klen je ugrizao brezu
i sad razmišlja kamo da se seli?

Znatiželjna vrba čamac promatra
i na vodi u njemu svoj odraz gleda.
Sunce se iz njezine krošnje ne da.
Zbog povjetarca lišće stalno pada.

Drava vodena rebra pokazuje
crvenoj vrbi koja je iznad nje svinuta
i sunčanoj zraci koja zaluta.
Obala šuti. Stalno nešto mudruje.

Vjetar je pjesnik. On poeziju piše
kada topolama krošnje zanjiše.

Foto: Nikola Wolf.

Milan Frčko | Maškar

Na obloku je mraz kraflina narisal,
al mu ga je sonce fletno pojelo.
Steklo ve zgledi kak da je vodeno.
Propuh ga bode z firangama zbrisal,

predi nek maškari okuperajo hižo.
Na poceku so. Joj, kak popevajo!
Jeden fekče: "Penezi nam trebajo.
Kokošja jajca vam piceki ližejo"!

Stiha mu velim: " Čuj, ja bi štel znati
kaj si ti pasel kaj si tak pameten"?
"Rečite mam, kak ništ ne čete dati"!

"Stvora ti, kaj si na jeziko fleten"!
"Nemreš od maškara iskati kaj bo fin"-
žena čez smeh šepče. "Morti ti je sin"?


Foto: Nikola Wolf

Milan Frčko | Slatki četrtek

 

Zišli smo se na dosenjanom zdenco
z kojega ljubaf pije gda je žeđna .
Smejala si se kak na cesti zebra
gda joj sončane zrake verse šepčo.

Z vusnicama sam ti anđele narisal
na bradajki kaj ju je mesec cekal,
zatelebanim srcem dušo ti petal
i na kožo ti se sapom potpisal.

Noč je nebeska kola scifrala
i to od zvezdi kaj so nas škicale.
Rosa nas je zdihajima vmivala

zmed breza kaj so nam v dušama cvale.
Mi smo celo noč širili peraje
i pluskali vale na obali Drave.

Foto: Nikola Wolf

Milan Frčko | Žena

I pred zercalom ona grunta i šepče
i kak veter listju ofira čoveku
kaj namignol je njihovom detetu,
predi nek njoj.To je onaj pinklec sreče

z kojim kuražna žena drži tri čoška,
gda pegla, pere, kuha il se smeje
čekičo za koji mož pita gde je,
vu časo gda ni sam ne zna kaj rošta.

Žena je lepa gda scifra vusnice
i gda ju spod kiklje propuh popeta,
il gda kak soldat prejde prek vulice.

Najlepša je gda joj nišče ne smeta.
Pušlek cvetja kaj z versima sem ga bral,
sim ženama bodem na Dan žena dal.



Foto: Nikola Wolf.

Milan Frčko | Maškare

Vu veljačo celo živlenje stane
i nema te maske koja baš se skrije.
Zmusikanec grunta kak da se vmije
a tat i pri spovedi nekaj fkradne.

Frentaru se vređa posla prijeti
a cinkuši ti te čas preletijo.
Gda cokli dišečo kožo zgubijo
ni cigan ih ne če na nogo deti.

Cinkuš stari copernici šepeče:
"Ti si se prek dosti gizdavo držala.
a ve bi dala se, da te sluša nešče.

Morti se boš maškarama zdopala.
Naj se žalostiti. Se je spodi maske.
Dojde i črknja na svoje , gda reč vgasne".
23.2.2020.
Milan Frčko.

Foto: Nikola Wolf.

Milan Frčko | Propuh

Pozablena firanga se genola.
Gdo se dotepel? Anđel, vrak il potepuh?
Čkomino leca prefrigani propuh.
Još zdavnja predi nek kaj je zdehnola

i odišla vu drugi svet, vu kojem se
zapomogla i spokoja i mira,
ova duša je opčutila kak smrt ofira
verzušu, kojem gasili so senje.

Bez ljubavi se i pelcer posuši
i postane hrana kmici i zemli,
al predi nek cajt stihoznaca vruši

od njegovog pera vrpa njih postekli.
Se moreš kupiti samo ne cajte,
f kojima stiholjubec mir svoj najde.

Foto: Nikola Wolf.

Milan Frčko | Jel se prijela

Foto: Nikola Wolf

„Jel se prijela“-stiha je pitala.
Bača je levo, desno z glavom klimal.
Da je spuknol marše kaj bi se štimal,
predi nek bi spod njega ona slifkala.

Na špičastom haklo mamca je zmenil
i jen čas čekal da ga krap pošnjofa.
Tam gde mu je bila zdrapana štomfa
komar se, od sreče, za krf zakelil.

Žnora napeta, kak žena noseča,
odpelala je bačo tijam do vode.
Malopredi je mel pleča boleča

a ve mu đipanje i voda gode.
Na krajo je žlabrači lokvanja dal.
Zela je i krapa, gda je bača spal.

Milan Frčko | Spoved

Foto: Nikola Wolf

Vrbino listje leca brehanje svrake.
Vali dreva vu drugi svet pelajo.
Drobne belke kraj čona špancerajo.
Z ljuski im bleščijo sončane zrake.

Z drugog sveta nam se nišče ne glasi.
Čuje ih savest koja neje čista.
Gda duša se minole cajte lista
nekim ljudima dižejo se lasi.

Vu čono veter stiha listje premeče.
Opčute se mir i spokoj.To je meša
koja vrednim Podravcima šepeče

kak i duša more biti betežna
gda čovek potepe svoje poštenje.
Saki od nas ženje ono kaj poseje.

Milan Frčko | Vesla od senja

Foto: Nikola Wolf

FotoVrbino listje leca brehanje svrake.
Vali dreva vu drugi svet pelajo.
Drobne belke kraj čona špancerajo.
Z ljuski im bleščijo sončane zrake.

Z drugog sveta nam se nišče ne glasi.
Čuje ih savest koja neje čista.
Gda duša se minole cajte lista
nekim ljudima dižejo se lasi.

Vu čono veter stiha listje premeče.
Opčute se mir i spokoj.To je meša
koja vrednim Podravcima šepeče

kak i duša more biti betežna
gda čovek potepe svoje poštenje.
Saki od nas ženje ono kaj poseje.

Milan Frčko | Drugi svet

Foto: Nikola Wolf

Daj si zgruntaj pajdaš, kak je ribičo
videti drevo koje vodo pije?
Slika je to kaj ti mam dušo zgrije
i misliš si, kak je tekarek ftičo

koji ne prizna nikakove meje?
Z protom vu rokama tvoj je celi svet.
Samo ti razmeš taj zacoprani let
i podravsko sonce kaj ti se smeje.

Tvoj prot se vžije i zraka i vode,
predi nek se spodi maršeta zvine,
al nigdi se ne boš vžil lepše zgode

nek kaj se bodeš tu sred Podravine.
Rekel sem ti se, kaj sem kanil reči
Drugo boš opčutil tu. I to žmirečki.

Milan Frčko | Na podrafskoj brvi

Foto: Nikola Wolf

Znad kuruznog zrna sapo je spuhnol,
zdignjeno zrno čobe so prijele,
ftice vu svržju, na rit bi se sele
da so vidle kaj je bača spuknol.

Al, predi toga, bilo je smeha.
Krap je žnoro vlekel levo, desno…
Neje potrefil scoprano mesto,
gde kletva postane vrelec greha.

Špula je cvilela, a i marše,
kaj se kopitalo, jen čas, v zrako.
„Još bodem španal, če ti tak paše“-

gonđal je bača , več po trdom mrako.
Odjempot je mesec blesnol i na škrgi.
Sakaj se trefi na podrafskoj brvi.

Milan Frčko | Slika koja pleni

Foto: Nikola Wolf

Otpustil sem brenzo, marše žnoro vleče.
Kaj se mene tiče, more i v zrako.
Regetanje čujem. Fletno bom v mrako,
al kresnice bodo vužgale sveče.

Vušče Drave je ve dika nebeska
po koji se krap kopiče i tanca.
Špula ftečno slifče, žnora ju glanca
a prot para zrak i z leva i z desna.

Of prefrigani krap ide ravno k meni.
Jel bodem žnoro na vreme namotal?
Slika je to kaj dušo i srce pleni.

No, je. I komarov sem se nagotal.
Odjempot čkomina. Pluskanje peraje
znak je da Bog zeme, al nam i daje.

Milan Frčko | Bleščeči špinec

Foto: Nikola Wolf

Bleščeči špinec vu mutnoj vodi
jeno lakomno marše čeka.
„Mamac na haklu“-veli reka
plača se s cajtima na slobodi.

Gda ga zagrizneš mam se kopičeš,
čobe ti kak nebo nabrekno,
ne znaš kam bi: desno, il levo
a pritom zabiš kak stalno slifčeš.

Če si prefrigan, suknol boš f travo,
bleščečo žnoro omotal oko nje
i predi nek boš kušnol Dravo

hakel ti se bo otkvačil s čobe.
Mutnoj vodi rekel bodeš zbogom.
Zato pazi kaj petaš z čobom.