Eda Budić | Po potrebe

Čaramo imena

ona ka so odrabila

kejsteh već ni

ali so upekla tako

da je zgoreno videt

za vajk,

prekrižili smo hi va mozge

liepo, ravno,

z jenon crton,

nismo hi sčarali

toliko da drugo

ne buode videt

kajsta so to imena bila.

Samo smo hi,

tako prekriženeh,

stavili va oni kašetin

tamo od zada,

za kejstega svi znamo

kade je,

da moremo

- kako buode rabilo-

domislit se

i bit srećan ali mučan.