Kolumne

utorak, 1. studenoga 2022.

Zdenka Čavić | Zvezdana prašina

 

Med zvezdanu prašinu si odišel, 

onak najemput, bez reči.

Odišel si gda se pramalet 

spuščala po tvoji lesi,

gda je magnolija precvela.

Odišel si onak najemput, 

bez reči.

Zrušila se senca smeha

pred tvojom hižom,

 z partecetlom na lesi.

Celo je živlenje na njemu pisalo

tuga se zlejala po duši.

Iskala sem  kaj bi rekla,

zadnjih par reči.

Gutile su me,

pekle su v prsi.

Kak si vupal oditi?

A rekel si, tu bum, 

kaj bum bora kitil 

s hiladu žaruli

buš z daleka vidla, 

da kinčim Božiča za tebe

kaj ga ne znaš kinčiti.

Med zvezdanu prašinu si odišel,

najemput, bez veze.

Kmica se spušča,  ti svetliš za zvezde.


Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.