Kolumne

srijeda, 26. veljače 2020.

Božica Jelušić | Žalostivo pismo dravskomu



Poetušu vu spomenek
Gda te život prepolovi
I nade ti rastrančira,
V Dravi jeno drevo plovi,
V staroj hiži propuh svira.
Kišu nosi oblaki tmurni,
Grmljavina tutnji z brega;
Si so dnevi ničemurni,
Raca plava, pisma nega.
Lažu versi i popevke
Mudrolije su za decu.
Medved zbira hruške mehke,
A tat nosi sveču svecu.
Tak se život preobrnul
Kak vojnički šinjel scufan.
Vu svet kaj je stiha spr'nul,
Poetuš je još zaufan.
Žmehko mi je, vre ti rečem,
Bil si misli otpiratelj.
Mesečinu na kup zmečem,
Gda te nema, moj prijatelj.


26. veljače 2020.
B.
Fotografije: Arhiva autorice, Album PODRAVINA

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.