Krekeče vrana visoko na tornju,
Rašpa i struže, vu zrak glavu zdiže,
Drži se šepava za prečku gornju,
Štela bi zvezdama biti čim bliže.
Zmazani škrampli od zemle i blata,
Pod perjem je gola kak i vse ftice,
Tragi su blatni na križu od zlata,
Bruka i graja od jutra do kmice.
Štela bi nebeska arija biti,
Na račun kreščave pernate rime,
Črnu si sliku i priliku skriti,
Štela bi biti med fticama ime.
Vrani su krila prejako narasla,
Nema od visokog letenja sreče,
Celi je život po poljima pasla,
Z tornja ju nigdo poslušati neče.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.