Zdravko Dolenec | Tiči na čriešnje

Čriešnje h trnacu se črljeniju,
cieli dan na soncu blješčiju,
okol njih sakojaki tiči letiju:
drožđeki, škvorci, grmljašice,
kosi, debelekljunci, zebice...

Sakomu bi pasala, čriešnja, dvije,
i ona drobna, pišiva, za hititi nije.
Morti bu barem jedna čriešnja ostala
teru si bi najmenjša tičica pobrala.

(sakojaki – svakakvi, drožđek – drozd, škvorec – čvorak, grmljašica – grmuša, debelekljunec – batokljun, zebica – zeba, sakomu – svakome, drobna – sitna, pišiva – crvljiva, teru – koju)