Šempliči momenti
tih hi je najveć.
Ne kao oni lipi kad se zajubiš,
oli oni grdi
kad se razboliš.
Šempliči momenti
ča su duša živih.
Kad pod čarišnju sidiš
ki se komoč zeleni,
a ronde po nebu lete
i za tu lipotu hvališ sve svete.
Šempliči momenti
kad s amikom kafe piješ.
Anke bez da zamiriš
petegolec je vajka tote,
a ža ti bude pole,
ma taj vicio trd je kaj
grote.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.