Ča škičiš
kaj da si crnega vidija?
Di ti je tac
cilu noć bija?
Ča škičiš
kaj da je imbrijagan
i da je osta fregan
brižan, impegulan?
Niku je noć
osta bez bičiklete
a sad iz kantine
pršuti lete.
Dosta je tega
s litima zgubija
a samo je na
kilima dobija.
Makina mi se pera
da će brzo partit
ako ća ne spensamo
i ocu pamet tornamo.
Još imamo krov nad glavon
i misto za spat
ča bi danas rekla
naša brižna mat.
Od kad je na drugi
svit partila
našen se ocu
glava pomutila.
Ma je vrime
da rečemo dosta
a tim ziogima
je došlo vrime posta.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.