Gordana Igrec | Gospođa starica

 

Nosila je štap od trešnjina drva

sa drškom od ebanovine tako dostojanstveno

kako i priliči starosti od 96 godina.

Nigdje savijena nigdje pogurena

uspravna k'o svijeća. Bila je najljepša starica

uvijek sa frizurom i dotjerana, najljepše od sviju

na malom užitku od okupljanja i kavice.

Plemenite crte lica postale su još plemenitije,

a kosa je bila gusta kao i u 50-toj.

Još je kačkala i plela za svoje unuke i djecu

svojih prijatljica. Bila je tiho razigrano sretna

kao djevojka i to je prenosila

na druge. U društvu je još uvijek najtečnije pričala

i uvijek je imala što za reći. Promatrajući je iz prikrajka

kako zapjeva dok plete moglo se samo reći kako starost

može biti lijepa. A u jutro? Svako jutro prije doručka vježbala je.

i čekala svoje jedino zlato, svoju unučicu da dođe s doručkom.

Ni na što se nije žalila. Nije bila od onih koji kvare atmosferu.

Party breakerica nije bila.Previše je voljela život da bi zanovijetala.

Gordana Igrec | Post ili, tak i bu

POST ILI, TAK I BU

Tak. Denes pak bu post

kak je i bil pri

pradedi Tončeku

i tateku od deda Martina

kak je vu svetih knjigah zapisane.

Kuhani grah bumo jeli

ili suhe žgance

da se zmislimo kak

človek ne živi samo 

ob kruhu neg ob saki reči

kaj z Božjih vusta zvira.

Zapovedanoga posta nigdar ni dosta

tak smo se mi držali Svetoga pisma

tak  se budu naša deca i deca njihove dece

držale pisane Reči

 i se dok je

Sveta i veka. Tak je zapisano v našim

knjigami. Žene su ščistile hižu,

marva je nahranjena i nama je na počinak.

Deca naj spiju na krušni peći dok vani

huda zima stišće. Zutra je Božić. Zutra

bu sega. Tak je zboril pradeda Tonček

i tatek od dede Martina. 

Tak i bu gda i svetom zavlada

žota, mala rasa ljudih, kak je

govoril pradedek Tonček

i zalukaval se na svoju slivu

su žmržljenu i suhu

i po stiha si zdehnul,

jer je on ispod te šljive

furt spal i mediteral

kojkave čudne misli mel

zato i mi nismo njegovi

potomki nekaj preveć

od dela nek i mi

fantazerame o lepšem

životu spodi slive.

Tak i bu.

Gordana Igrec | Moja mati

Ta mehka

reč – mati.

Tak tiho

zvoni,

gda štela

bi ti

celi svet dati.

Ni treba

nju zvati,

gda te čuje

navek

tvoja mati.

Pred te

beži

zi smehom,

jočnih joči

od žmehkega

života.

Gda bi htela

se tebi dati

kaj je sama

krasota.

Se lepe

dneve

i mučeće 

noći,

gda sozne

su ti joči

i gda ogenj

v srčeko ti

sam od sebe

poskoči.

Mati!

Naj nigdar

zaspati.

Gdo bo

zežgal

luč,

ak ti 

dideš

z ovog 

sveta

i zi sobom

odneseš

od svog 

srca – ključ.

O moja

draga

mati.

Kak je

još navek

lepo

tiho te

zazvati.

Gordana Igrec | Velika gospočija

Negdar,

predi kojih

sto ljet

gda je drugač

zgledal

celi svet.

Vu veliku

gospočiju

ni bilo sam

sam tak

lahko dojti.

Moral si

se paragrafe

bolje od Očenaša

na pamet

zbrati.

Vu kraj

su išli

si moški

zanati,

pred gospočiju.

A vezda?

Če gospon 

hoćeš biti,

moraš samo

na dreticu cucka

zi sobom

voditi.

I to je

se.

Kaj povedati

sem štel

o gospodstvu

i o puku

na dolgome

ljudskom

putu.

Se nema

česa za čuditi

tu.

Gospon još

navek

veliki gertašlin

ima,

a siromak

voha na luk

i na špek.

Tak je bilo

odnavek.

Gordana Igrec | Moj drobni ftiček

Ti,

droben

ftiček,

ves siten

i mali,

ti moj

pajdaš

si stari.

Tak cvrkučeš,

zvizdučeš

i popevleš,

na saku

granu

se podevleš.

Ne pitaš

je li pup

ili cvet,

nit kuliko

je kome

let.

Samo letiš

zi cveta

na cvet.

A tak si

droben

i mali

da ti nigdo

srca nema

da nekaj

hudega

ti napravi.

Dok tvoga

zvuka ni,

pri srčeku

teško mi.

Kad pak

te mam

čujem

il spazim,

dojde mi

da skup

s tobom

zapopevlem

i malne

ti prišapnem,

prišmajhlam ti

se i pomazim.

Ti droben

moj ftiček,

prijatelj

stari,

za koga

saki rad

mari.

Ftiček moj,

vu mom srcu

mesto si

zbral.

Tam buš

zanavek

i ostal.

Gordana Igrec | Huda sudba

Zvonnnn, zvonnn

zvonnn zvoni.

Huda sudba

po svetu

hodi.

Mrtve pokapaju,

matere roke

k nebu sklapajo.

Vojnička čižma

zvoni,

sablja na soncu

blešči.

Ide brat

na brata,

kak tat

na tata.

Vojna ne

 pita

za ljudskoga

svata.

Kad se zbudim

se pitam:

se to zbila

zgodi?

Ili su se to

bile senje,

kak ljudsko

proščenje?

Na kem

ringišpil

karte deli

i človek

ništ vreden

ni.

Če bile su

senje,

stvarnosti 

nutri

ni ništ

menje.

Se kaj

se zgodilo

jenput,

bu se

još sponovilo.

Bu vojna

huda,

po celome svetu,

se po svuda.

V sakome

kutu,

čovek bu

čoveku

na putu.

Takšni snovi

su mi došli

po kmici,

da nišće

ni mogel

vražjoj sudbi

fteči

il ju

zaobići.

Se to smo

već vidli

i preživeli,

ali snovi ovi

drukče su

povedat

hteli.

Da kmica

bu nastala,

človeka

zgutala

i nišće

na svetu

ne mogel

ostati

gdo se

za grehe svoje

ne htel pokajati.

Naposletku,

tak celo

ljudstvo

je hetelo

dok se

zdušno

vu dragog

Božeka

klelo.

A Boga

ni briga

za onega

kome zi žepa

strši friška

figa.

Za njega

mu se friga.

I zato,

huda sudba

se sprema,

gda dragi

Božek

za nas,

na čas

zadrema.

Zvonnn, zvonnn

zvonnn zvoni,

huda sudba

v senji moji

svetu se

zgodi.

Gordana Igrec | Bedačec jen

Bedačec jen

bedasti.

Furt načombren

si ti.

Daj se

vre jen put

nasmi.

Na sončeku

se lepo

zgri.

Se lepo

zahvali

i blagodari

prirodi za

se lepote

i žmehkoga

življenja divote.

Bedačec jen,

se nasmi

se lepo 

nadiši

i vre

lepše živi.

Daj već jen put...

Gordana Igrec | Našim Židima

Tak ih je

malo ostalo.

Se ih je vreme

neludsko zbrisalo,

zdušilo,

poklalo.

Gdo vezda

mrvice 

za Pesah

zbira?

A bila su to

velika naša gospoda,

gizdava

i to kaj

su nestali s Zemle

velika je škoda.

Bilo je med njima

i takšnega ludstva

kojeg je mam

prestrašila saka puška,

a kamoli ne grda reč

ili morti čuška.

Gdi su vezdi

si oni

kaj su od veselja

tancali po dežđu

i šepetali med sobom

po jeziku našem lepom,

čistom, razmećem

kak Zagreb belom.

Dišli su jedne 

noći, jednoga

jutra,

po dnevu,

po kmici,

da se nigdar više

nemreju zdići.

Gdi su vezda

sa njihova

črnooka deca,

kaj su za Vuzem

od Zagrepčancov

na poklon dobili

zeca.

Gdo je držal 

keca v rukavu

i zmišljal

takšnu grdnu,

neslanu šalu?!

Dok smo mi

si skupa,

držeći se za ruke,

skrivali suze

od velike,

črne zemalske muke.

Gdi su vezda si?

Kak su prešli?

I zmisli ju

se morti još

na naš Zagreb grad,

kak imal ih je

po skrivečki rad!

Kam su prešli?!

I zakaj?!

Pitajte dragoga Boga

za makar bilo koga!

Od sih njih

kaj su prešli

v rešt i v muk,

z cugom koji

v smrt vleče,

dok i denes

za njimi skrivečki

suza poteče.

Za kaj?!

Nek mi

negdo reče,

nije za njih

bilo samo malo

ludske sreće?!

Nek ovo bu

moj mali spomen,

na se ono kaj

su nam dali,

a nešteri od nas

gorše od sakoga pesa,

same su se na njih

poscati znali.

Na špot

i na sramotu,

celome životu!