Silvija Šesto | Bolja polovnjača (24)

Je, pa nismo sve sniferice, ti bokca. No,  i ostavim ti ja njih posle toga i znaš kak je, ne vidiš nekog pet godina a onda ga sretneš dva put u pet dana. I sretnem ti ja tu našu Mirnu, sećaš se ti kak je ona znala folirati u školi, ma majstor je bila jebate, no sretnem ti ja nju i padne kavica. Ne bi bila ja ja da je odmah nisam dobro pretražila po pitanju buraza, a ona meni ni pet ni šest veli da je s tim bilo prije kaput neg je počelo. Pitam ja zakaj, pa dečko je čist pristojno zgledal, ak ne i još bolje, dobro, ni brat mu ni bil  loš,  čuj ni ja ne biram gabore, pazim na estetiku, sam mi tu i tam nekaj uleti neprobavljivog, al takvi imaju spiku, ono nekaj unutra kužiš ono kaj mislim. Po istini, nekad trebaš jako dugo kopati da bi to unutra iskopal, a nekad kopaš, kopaš i ništ ne iskopaš. Metoda pokušaja i pogrešaka, ne? To smo davno apsolvirale. No, pitam ja nju zakaj nije išlo i kak bu to ona s dvoje dece bez muža, a još tak mlada i lepa, jer lepa je bila uvek, sam se je onda malo zbucala. Znaš kak je, nekom prije a nekom posle prorade hormoni, pogotovo oni od apetita. Veli ona meni da je tip lud sto na sat i da više i ne bu tražila, jer da joj je bolje da je gladna nek da je neko hrani bedastočama. Tak ti ona meni priča kak joj je tip čist lepo izgledal, al izgled vara, ne? Već na drugom spoju on ti je nju pital kaj je po horoskopu i odonda nije stal. Pa koji je podznak, pa di se rodila u kolko sati, minuta, sekunda, tisućinki. Rekla mu je da je to opće ne zanima, al on je navaljival i navaljival.

Naravski, o njoj još nije ništ znal, osim da je iz Zagreba, a upoznali su se na nekom divljem zboru, jer je jadnica otišla pjevati da bi joj malo bilo lakše. Znaš kak se veli, tuga se najbolje prebrodi u društvu. Al kaj, moraš računat i na brodolom, ne?  I tak ti je on nju zapikiral, pozval van, jedamput, dvaput. Sve ti on priča o tim vražjim konstelacijama, o tom koji si znak paše s kojim, a onaj put kad sam ja na njih nabasala baš joj je donel tu neku natalnu kartu na koju je skroz popizdila. Kaj je bilo. Čuj, dripac ti je između ostalog napisal kak ima bračnih problema i kak je siguran da joj muž ima ljubavnicu, a sve onak da si napravi prolaz. A čuj, Mirnin muž se u to vreme već pošteno ohladil. Tak ti je sve to završilo iste one večeri, a kod mene je, baš nekak počelo posle našeg ponovnog susreta i to s jednim drugim njofrom, kaj je isto pjeval u tom zboru. Frajer nam je uletil dok smo pile kavu, Mirna me upoznala s njim, a zaprav on se htel upoznat s menom, dobro, to sad nije važno. Isuse…Čekaj malo…Sad mi nije jasno jel me to šraufa od kave il mi je opet nekaj s hormonima…Uh, sad je malo bolje…Dečko (konobaru) Može jedna mineralna, buš i ti…Dvije, molim…Frajer ti se zvao Tomica, baš tak, to ti posebno naglašavam, jer je popizdio kad bi mu neko rekel Tomo. Ne znam zakaj je popizdil, al moj ti je zaključak, Višnja, ovak kad ti sad pričam i malo bolje pogledam, moj ti je zaključak  da sam ja sam s bolesnicima imala posla. I onda nije čudo da sam se sad splela s tim doktorom. Nije čudo! Mislim splela, čuj to ti je još uvijek u povojima.

Zaprav, mogla bi sve još tumačiti ko jedan malo detaljniji pregled, a to kaj mi doktor hormone popravlja malo na krivim mestima, čuj, pa kaj ja znam, nemam ja veze s medicinom, mislim nemam u tom smislu. I kaj, morti stari nemre pogodit, znaš i sama da se s godinama i dioptrija povećava, kaj, možda zaprav ništ ni bilo, možda se to samo meni čini a on zaprav nema blage o tome…Mislim ono, kužiš, možda je skroz nenamerno fulal… A da me primit za kaj ima, ima. Al nemreš si pomoć. Kaj ja znam kolko bi me došlo to da me malo iscijede, možda ti znaš. Vidim da sad svaka druga nekaj po tom pitanju dela, a usta si nemrem zaštopati, nemrem. I zakaj bi, ne? Kaj sam ti ono počela pričati, a da, o Tomici. Uglavnom, tip ti je bil propali muzičar i upucal se u taj zbor u kojem se, po mojoj skromnoj procjeni,  zbilja ni znalo tko pjeva a tko zijeva. Čista estrada…Opet čast iznimkama…al amateri čuj, al opet kaj,  i amateri mogu nekad bolje neg profiči, al ovo ti je bilo nekaj za popizdit. Nekaj im je bilo s dirigentom, kaj ja znam, svađali su se, jedni su bili za starog kaj su ga drugi najurili, a ovi drugi su bili za novog kaj su ga ovi prvi hteli najuriti.

Da se mene pita ja bi zela trećeg, a za tu ti je opciju bil i taj moj Tomica, jer je i on pucal na to mesto. Za to se dobivala neka lova, a ovi kaj su zevali, zevali su za ništ. Ja bi im bogme i zela nekaj za to, jer to ti je nekaj prestrašno bilo.  Kolko sam bila informirana pevali su sam po staračkim domovima i to onim di je pol njih već bilo gluho. Tomica ti je bil stari dečko, nekaj slično onom kaj mi je malu trebal poroditi, al moglo bi se reći feš stari dečko jer taj nije skidal leptira oko vrata. Lepo za pogledat. I išli smo ti na lepe plesnjake, na lepe večerice i tak to. Sve je plaćal. Čuj, ja se opće nisam opirala, baš mi je pasalo da me neko časti. Doduše, nije to bilo puno puta, čini mi se tri il četri. Mislim da sam nakon četvrte večerice malo više cugnula, je nakon četvrte, da, i onda sam ti završila u njegovoj gajbi. Kak to već ide, ne… On ti je delal isto ko i ja na školi. Tak smo ti se mi malo ko šulkolege pošlatali, a posle, bum ti sve ispričala. Sam malo…Dečec! (konobaru) Prosim vas još jednu kiselu,  je. Prošla ti je ta večer, on me je nekak doma dopelal i onda je sljedila invazija. Zaprav, da sam bila pametnija mogla sam se zapitati otkud frajeru lova za večere. Po istini oni njegovi leptireki  su svi smrdili po naftalinu i kladim se da je to nasledil od starog tateka il je kupoval na fiftplacu. Stanek skroman i kaj mi je još upalo u oči, špajza puna plastike. Na svim policama neke plastične rajnglice, svih boja i oblika. Meni je, kad se sad setim, to bilo malo stravično. Prvo kaj sam pomislila je da je zaprav taj moj Tomica, tak upicanjen, zaprav manijak kaj ženske vodi na večere, pa doma i onda ih ubija i komada na dijelove i slaže u te rajnglice. Da nisam vidla tu špajzu bilo bi mi lakše, a znaš kakva sam ja, sve me zanimalo, sve sam prošnjofala. Na špajzu sam naletila kad sam zahod tražila. I kaj, ne prođe ti ni par dana od posljednje večere, mislim da me je četiri puta vodil, mislim, i on ti meni uleti s tim rajnglama. Da jel bi ja kod sebe doma održala prezentaciju. Pitam ja njega kaj se moram skinuti za to, kaj je to neki striptiz, a od same te reči mi se dizala kosa na glavi jer sam već popizdila po tom pitanju s tetom Dragicom, a nju znaš. Ona ti je zmaltretirala celu zgradu sa suđem, i pod uzbunama je kuhala u njemu jajca i krumpir i silila sirotinju da kupuje rajngle i da se zadužuje. Skužim ti ja pizdeka, igra na kartu večera, kakti vodil me je i ne bum ga odbila, al ja ti ga prvi put odbijem i zmuljam da moram ići na neki seminar. Opet on zove nakon par dana, ja mu velim da mi deca imaju ospice, opet on i drek, pristanem ja da ga se rešim.

Predvidljivo, Višnja, do popizditisa. Igra je počela. Zamisli, frajer je prodaval rajnglice i to da vidiš kak. Dođe ti on opet u onoj leptir mašni, upicanjen, a meni doma jedva skupljena raja. Celi sam dan molila i prijatelje i neprijatelje da dođu, zamerila sam se i Bogu i vragu, a onima kaj su došli sam unapred morala obećati neke usluge. Užas! Uvali ti se on k nama ko ona s usisavačem, a to bum ti posle ovog ispričala i onak picikato krene s pričom, čuj, ja nis mogla verovati da sam ja s tim čovekom ikaj imala. A izgleda da ti je on baš tak delal. Lepo si je skalkuliral kolko puta ulaže za večere i kolko bu me drvil, a drvil me je dobrih pola godine. Jebate, posle toga su me svi izbegavali. Svi su se bojali da im opet ne uvalim neku prezentaciju, a čuj, on je bil dosadan ko proljev. Ja ko hipnotizirana i velim ti, pol je godine vlekel one svoje rajngle kod mene i nije bilo vikenda kad nisam morala žicat po telefonskom sve živo i mrtvo da dođe na to, a čuj, kad ti neko dođe moraš nekaj i spremit, ne buju plastiku jeli. Ja sam ti skoro crkla, za popizdit. I tak mi je ona Ana kaj je stanovala kod vrtića opalila kontru i dala, al čuj to je zbilja bilo bezobrazno i nisko, mogla me je ipak pitat, dala ti je moj broj telefona, onak ko da je s menom već sve dogovorila, dala ti ga je nekoj trebi kaj je delala opet nekakvu jebenu prezentaciju, al sad s nekim usisavačem. Ani to nikad ne bum zaboravila, jer sam ju jedva nagovorila da kupi neko plastično sranje za sir i viš na odmah me zakopala. Inače su sve cure uredno kupovale, tu vidiš ko ti je prijatelj u nevolji, baš na tim usranim prezentacijama, ono kaj im baš i nije visilo nad glavom, al prijateljstvo je prijateljstvo. Sam smo Anu svi morali nagovarati da kupi to sranje radi nekih bodova kajtigajaznam, u to se ne bi štela mešat.

Tak ti mene jedan dan, a baš sam imala neko velko sranje sa Zdenkom, posvadila sam se s njim na mrtvo ime, zove ti mene taj ženski glas. Ko iz pakla, jebote. Veli ona meni da ima moj broj i da joj ga je dala Ana i da joj je rekla da sam ja zainteresirana da mi predstavi taj super usisavač. Ja njoj počnem da imam posla, da moram ovo ono, sve joj hoću reći da ja uopće nisam zainteresirana za tu spravu al drek, završimo ti mi razgovor na bumo se čuli za neko vreme dok ja budem imala manje posla. Ja nemam pojma zakaj ja nemam snage to da prostiš odjebat, onak po brzom postupku, kužiš.  A čuj, svaki put me je dobila na nekim čudnim mestima, il sam bila na zahodu, il sam ručala, večerala. Od prvog do drugog poziva, sećam se da smo se Zdenko i ja opet fest zakvačili i da sam ja rekla da je gotovo i nek mi sredi rastavu i baš ti ona u jeku najžešće rasprave nazove. A zvala ti se Slavica. Čuj, ja i danas kad čujem to ime, koža mi se ježi. Onak kakva sam bila nadrkana, ja ti njoj jako neljubazno velim da sad nije pravi čas, da bumo se drugi put čule, a ona ti sve to zguta i veli dobro, bumo se drugi put čule. I tak je bilo. Treći put ti ona mene nazove, ne sečam se više gde sam bila, al opet nisam bila za spiku takve vrste, i veli ona meni da još ima neki novi popust, ne znam koje sranje i još pita kad da dođe. Ja joj velim da mi je sve čisto i usisano i tak to, a ona mi se smije onak ko da sam ja debilna u celoj toj priči, kaj je već postalo dosta i diskutabilno kad sam se dala tak zajebavati, i veli mi da je to kaj je kod mene usisano zaprav ništ temeljito. Jebemti, treba koju nisam nikad videla i koja nije nikad mene videla mi prek telefona govori kak je kod mene prašina i kak mi je sve zmazano i kak bu ona došla kak god ja okrenem, a ja je nemam snage skinuti s telefona. I znaš kaj sam napravila. Makar sam sa Zdenkom bila na pas mater, slušalicu sam dala njemu i on ju je sredil. Rekel joj je nek se goni u onu stvar i nek se samo usudi pojaviti s tim čudovištem, da bu on osobno napravil da ga pojede i poglođe zajedno s punom vrećicom prašine. Naše prašine.

Ti, već je i njemu dopizdilo, osobito to kaj sam tak mekana. Veli on meni da nije normalno kak se znam na njega razvaliti, a ovu kaj mi izaziva noćne more, ne samo meni neg već i njemu nemrem pošteno otkantati. I to prek telefona. Ja sam ti tu žensku, posle toga danima zamišljala. Kak izgleda. U mojoj ti je predodžbi to bila mršava, reumatična i normalno živčana treba, al prikriveno živčana, jer tak mi se vidlo prek telefona, ta njena gluma da je mirna i da ne kuži da ja neću to kaj mi ona uvaljuje odaje prefriganu žensku, kužiš ono. U mojoj se glavi ona farbala u crveno, mazala si je usta s narančastom šminkom i oko vrata je nosila brodske lance. Otprilike ko bivša fifica u pretvorbi do tajnice nekog lokalnog tajkunčića. Al, Višnja moja, ak ti misliš da je tu priči došel kraj, varaš se. Treba je bila baš čelik. Ja posle onog kaj joj je rekel Zdenko ne bi nazvala ni u ludilu, i onda kad sam već zaboravila na nju, jer život mi se prije polako ali sigurno počel pretvarat i delit na razdoblje kad je nazvala i razdoblje mira koje je opet mutio nedvojbeno siguran trenutak kad će telefon učiniti zvrc i kad će se ona javiti onim svojim ljepljivim glasom: Slavica ovdje, gospođo Mirjana, vi ste? A tko bi bil, Pamela Anderson, jebemti. Nisam imala kud, prvo sam štela ne javljati se nikom, a čuj to baš i nije u redu, jer uvek se onda nekaj hitnog dogodi i kaj si onda. Onda sam maksimalno koristila sekretaricu. Ona je ostavljala poruke da će nazvati i onda bez neke logike i reda nazvala kad bih ja isključila sekretaricu i kad bi me direktno dobila.  Kad ju je Zdenko na pasja kola, mislila sam da sam mirna. Al klinac, zamisli, nazove ti ona mene nakon pol godine i lepo i mirno me pita, jel sam možda promenila mišljenje i još me pita jel mi se muž smiril. U međuvremenu sam ti se ja već rastala od Zdenka. Zamisli ti to. I Višnjica moja, ja sam ti onda skupila snagu i valjda i zbog tog kaj sam trebala dobiti mengu a u to vreme sam zbilja fest živčana, ja ti nju pošaljem u pizdu materinu i poklopim telefon. Tek je onda prestala jebada….

I onda nije čudo da su mi se poremetili ti hormoni, jebate. Čuj, jedan dan sam ti dobre volje, drugi dan sve userem i obavezno se uvalim tak da i one dobre dane pokvarim. Nisam ti pričala za Jožu. On ti je tipičan primjer, onak radi ilustracije, kak ja to delam, mislim, da sam uz sebe imala nekog ko tebe možda bi se i mogla skontrolirati, al čuj, ovak sama…No, da ne idem u širinu, s Jožom sam ti se upoznala preko one repate, znaš je, one Šoštaričke. Cimala me je valjda deset godina da idem na te promocije i bogme me zacimala na tu izložbu, al ja zaprav nisam ni skužila do kraja jel se prikazivala žderača il nekaj po zidovima kaj ni na niš ličilo. Stara, znaš me. Ja jesam za moderno, al kaj je preveč je preveč, tu sam konzerva. I onda ti ja skužim zakaj ta repata zaprav tak voli umetnost i ne bira jel moderna il ona prav za prav. Zato kaj su tam najbolje žderače. Kod kazališnih ti je premijera, a čuj dok smo mi išle u školu to nam nije bilo ni na kraj pameti, dakle, kod kazališnih ti je premijera žerača tak tak, to ti je nekak srednja žalost. U slučaju da je ozbiljniji budžet i da je nekaj kuhano, rulja ti se tak razmaše da ak nisi u kondi nemreš ni približno rekonstruirat kaj je bilo u zdjelama. Kak predstava ide kraju i kak oni vani postavljaju tu žeraču tak ti se škvadra počne gnijezditi. Nije ti retko da neki i idu ko fol na zahod al zaprav zauzimaju najbolje startne pozicije za panju. Koga briga za zadnji čin… Al sve u svemu u kazalištu više-manje ostaneš gladan.

Na književnim promocijama, a tu sam se s Jožom fest uverila, na tim ti promocijama sve ostaje na zadimljenom biskvitu, jer kaj, škvadra ti puši, a biskač znaš kak reagira na dim, ko spužva. Sam u časnim iznimkama može se dogoditi nekaj konkretno, al to ti je više kod publicistike odnosno jebistike, jer ona ti je pak više-manje vezana uz politiku. Ja ne znam, Višnja, možda je i gore kod tebe bilo slično, buš mi pričala, baš me zanima, al tu je tak. I onda smo došli do tih likovnjaka. Višnja moja, to su ti uvek bakanalije. Kakti ta mazala nemaju love, ja ne znam, al na kojoj sam god izložbi bila to se jelo, pilo i mastilo za popizdit. Onda sam skužila zakaj ta Šoštarička furt ide na otvaranja, a istinu na sunce, repata ti je već svladala spiku oko uvoda i ja mislim da bi čist lako mogla i ona početi otvarati izložbe. I normalno, ko bi drugi nego ja opet naletil na luđaka. Ja ti nisam kužila njegovu krvnu sliku na početku, otišla sam na tu mazariju s repatom i upoznala ga. Čist je pristojno zgledal, čak nije ni okusil ništ s čim me je opčinil, jer su svi okolo mljackali i žvakali za poludit. On si je pijuckal šampanjac, a repata me je s njim upoznala ko sa starim frendom, jer je Joža znal pisati te uvode i nekad ih je i sam čital. Inače ti je bil nekakav pisac, ne znam, ja sam jednu njegovu knjigu uzela u ruke i kad sam je počela čitati bilo mi je tak mučno, a čuj, možda su mi se i zbog toga poremetili hormoni. Jebate, stvarno… Viš, možda zbilja zbog toga. Onda sam ju onak preskokce prelistala, pročitala na svakoj dvadesetoj po jednu rečenicu, čuj morala sam tipu nekaj reči, a rekla sam mu da nije loše, al da nije moj stil. Kak nije tvoj stil, pital je on i tak smo se čak malo zakvačili, jako ti je tašt bil i  onda se interesiral kaj čitam, a ja sam rekla da niš jer da nemam vremena od dece i škole i onda ti je on bogec sebi odredil da mi preporučuje literaturu onak za ziher, kaj da pročitam da ne lutam po policama. Mož si mislit, da čitam  kaj mi on veli, a on piše tak kak piše i ja sam si mogla mislit kaj mi je on to preporučil. Nisam ni ja vesla sisala. A tip ti se fural na luđaka i čak si je skockal ludnicu radi penzije, a zaprav je i bil luđak. Kaj se tiče onih stvari bil ti je poravnan sa svojom literaturom, mislim, kad smo se trebali onda nije mogel, a bogme nisam ni ja jer su mi se one rečenice, makar na svakoj dvadesetoj stranici, opasno motale po glavi i u najmanju ruku izazivale tugu i žalost, ak ne i očaj. Ja ne znam jesi ti tam gore kaj čitala, al moram ti reči da tu nisi ništ propustila. Ono kaj sam ja stigla preleteti mogla sam zaprav preskočiti, kužiš kaj mislim.

Ne znam zakaj i nemrem si pomoći al mene ti naša književnost nemoguće podseća na onaj vic s Mujom. Sigurno si ga čula. Nisi? Čekaj da se skoncentriram, znaš da ne znam pričat viceve, čekaj…Ide ti ovak nekak…Dakle Mujo hoda prašumom i sretne Tarzana, lupi ti se frik od Tarzana u prsa i veli Muji Tarzan, Mujo ti pak isto stavi ručetinu na prsa i veli Mujo, onda ti Tarzan pokaže na svoju trebu Jane i veli Jane, Mujo se ne štedi, pokaže ti on Tarzanu svoju Fatu i veli Fata, no Tarzan ide dalje u upoznavanju i pokaza on rukom na onog majmuna Čitu i veli Čita, a Mujo mu ne osta dužan i pokaže on prema Fati i veli: ne čita…Tak nekak. Tak me nekak i to podseća na sve te silne rečenice kaj ih naši kakti proizvode i nikom niš, ko bi to čital lepa moja,  ispada da je taj moj Joža zaprav bil dobar luđak, a loš pisac, a pazi ni to nije lako, jer kaj, većina ti nije dobra ni u jednoj spiki. Tu sam ziher, tolko o pisanju imam pojma…Zaprav to ti nisam ni ispričala da sam i ja malo ušla u te vode. Onak za lovu, a sve je bilo povezano s jednim Nenekom kojeg sam srela u Zapruđu na čevapima. Dođe ti tak meni, valjda od hormona, najedamput ti popizdim za masnim i kaj, u Zapruđe sam išla onoj Miri, ja mislim da bi se je ti trebala sjetiti, onoj kaj joj je stara imala troje dece iz tri braka, a ona je bila iz prvog, se je sećaš, e pa da…Ja ti se s njom tu i tamo vidim i odemo si međusobno u posjet, a onda sam išla po tu neku kozmetiku kaj ju je dilala. Sirota, ostala je bez posla i tak se snalazila. Svi smo od nje kupovali, svi iz bivše škole, a sve na humanitarnom principu, znaš kak to već ide. Bila sam ti kod nje, popila sam kavu i otišla i onda me na trgu u Zapruđu uhvatila ta masna groznica i uvalim se ja na te čevape. Kraj mene ti je stajal i njupal taj Nenek i sudbina, kaj je, ruke su nam se dotakle kad smo obadva navalili na taj papar. Počeli smo o vremenu, pa o Zapruđu kak je nekad bilo bez dotepenaca, onda mi se lepo ponudil da bu me odbacil do centra i putem je pričal to o reklamama, kak dela te reči, kak piše te male štoseke i tak.

Frajer ti je završil ekonomiju radi staraca, a uvek je volil pisat i sad od toga čist solidno živi. To je lepo, jer kaj, čovek kaj živi od onog kaj voli delati najbolje živi. To se nemre merit. Mic po mic i on ti je mene uvukel u te reklame, ponudil mi da i ja nekaj probam napraviti i tak sam ti ja dobra tri meseca pisala nekaj kaj bi trebalo ženske privući da kupe te i te uloške, da peru s tim i tim praškom. Lova nije bila za odbacit. Sam kaj, drek, mi smo ti se jako spleli, on ti se meni furt vešal oko vrata, a ja se sad nemrem točno setiti, sam znam da sam u to vreme bila s nekim, al da me ubiješ nemrem se sad setiti s kim. Nikak ga otkantati, nikak. Na sreću je upalo to s grahom i tu se on jako uvredil, jer je rekel da bi Talijani popizdili da im to ponudi i još je rekel da ja nisam profesionalka kaj meni nije teško palo, jer sam ga zaprav htela otkvačiti, kužiš ono. Čuj, trebala sam ti izmisliti nekakvu rečenicu za nekakav talijanski grah u konzervi. Mislim si ja mislim i onda ti lepo napišem «izazovi vjetar». Na to ti se Nenek uvredil, zamisli. A kaj nije tak? Kaj to ni posledica pravog graha…jebate od ovog modificiranog nemreš ni prdit ni smrdit… Kaj bi ti napisala, no? Uglavnom tak, draga moja Višnjica, sve ti se to meni ispodogađalo i sad sam ti slobodna ko ptica…Zaprav formalno ko ptica, al kad ga se setim, mislim tog mog  starog doktora, ne stvarno, stvarno sam popizdila. Čuj, a si čula onaj vic o doktorima. Moram ti to ispričati…

Nastavlja se...