Katarina Zadrija | Copernice

 

Zmisljim se, kipcof stari karti

kej su je mornari na rouku risali,

vu nouvoga svieta čez

coprnice, čuda i živine, 

na jedrenjaki gda su plovili.

Tam sried oceana, na kraju svieta 

pri nouvemu kontinentu 

rušile su je morske kače, 

trgale vupore, žrle jedra

potapale brode. 

Vu strahu su veljike oči.

I rastu i obračaju se kak stekle

po kmičnem danu, pred črnemi

vrati koje pozoj z repem zaklopi.

A deske škriplju, morske struje

broda vljeku, vetri fučkaju.

Tornadi z kraja svieta se zovu.

Zmisljim se gda tornado, denes i prinam

kak loptu kotura se pred soubu. 

Gda šuma škriplje, a granje jafče

veter tulji bolje nek pozoj

zmisljim se toga gda takof 

kak ringišpil se pred soubu ruši,

za soubu zmljeti kraj ostavlja.

Zmisljim kak smo se za vrieloga ljeta 

pri poutu igrali, ringišpil se med nami zavrtel:

Idu coprnice, idu coprnice!

Zacouprale vas boudu!

Veter je zafučkal i prašinu digel. 

Vu strahu su i vuha veljike.

Zmisljim se, gda tornadi kopiču,

rada bi veda coprnice z mladosti 

z prašine pri poutu, touploga dejžđa

sried ljeta, rada bi. 

Rada bi da zemljicu, 

prirodu i ozona niesmo ranili. 

Ne same vu coprnice, 

vu groubare svega svieta

smo se prevrnuli. 

Rada bi da niesmo... 

_________________________________________

Autor: Copernica/ Katarina Zadrija; Pjesma je čitana na recitalu Senje i meteori 2025 i objavljena u Zborniku s recitala