(devetnaesta kratka priča pisana pretežno šoltanskim dijalektom)
Kad niko umre, rodbina bi, prima starin običajima, pače virovanjima, čuvala mrca po noći, prin sutrašnjeg sprovoda. Tako je bilo i ovi put, kad je ta, ne baš lipa odluka pala na moga oca Marina i njegova brata Tonča. Tribali su čuvat barbu Lovru, brata njiova oca. Iz ditinjstva ga pamtin, ka višjeg, mršavog čovika, slabe kose i jakih vilic. Iako star, ima je lipu kožu na licu, ka i svi Bilankovi. Za razliku od njegove žene, susretljive tete Marice, ritko bi se smija. Mi dica, uglavnon rojaci, znali bi u njegovon, donjen dilu naše zajedniške kuće, za velikin stolon igrat na karte ili se hlihlišćat od pustih ludorij.
Ma, ne bi vika na nas, samo bi proša onako ozbiljan, jerbo je uvik bi u nikon poslu.
Kad san naresta, mater mi je rekla kako su izgubili mladu ćer, krasnu Tomažinu, govorili su najlipju u selu, koja se grubo razbolila, a u ono vrime ni bilo likarij, ka danas. Davno prin, bi je barba Lovre dva puta u Jamerike, da bi se vrati doma, na težak život, ka i mnogi drugi judi na škoju. Teta Marica i on, jemali su i sina, prvog rojaka mojen ocu, meni posebno dragog barbu Ivu, čovika ča mi je usadi jubav za fuzbalon i „Ajdukon“. Iako je živi u Zagrebu, nakon demobilizacije potla Drugog svitskog rata, ni propušta ni jednu utakmicu u Splitu. Doša bi nan se obavezno javit i naravski, nagovorit moje da me puste š njin na Plac. Ma, neka su te šezdesete bile loše godine za „majstora s mora“, tu atmosferu i navijanje, tu jubav prima mojen klubu, posebno barbe Ive, koji me voli ka sina, neću nikad zaboravit. Eeh, da, doša je red da se barbi Lovrici, kako su ga od milja zvali, oda poslidnja počast, da bdiju uz njegovo tilo.
Dok su se penjali uza drvene skale na gornji pod, di je leža, sigurno in je svašta prolazilo kroz glavu. Mejuto, barba Tonči, uvik spreman da najgoru oliti najtužniju situaciju napravi smišnom, ča mu je virovatno bila obrana, jerbo je skriva sentiment, u trenu je smisli batudu. Inšoma, došli su u kamaru, a on odjednom zaviče prima mojen ocu: „Marineee!“, našto mi se otac stresa i pita ga ča je. Ponovi je isto, još upečatljivije: „Marine, Marine pogledaj ga, cili život mu je bilo zima, a sad se pokri samo lancunom!“ ...hahaahha...i ko se onda ne bi nasmija u ciloj toj muci. Ma, kojen vragu bi to palo na pamet, nego samo njemu, mojen barbi Tonču, postolaru kako su ga zvali, još od El Shatta! Bi je on meštar i za puno tega, ali uvik raspoložen za šalu, čak i u ovakvon času. Sigurno je da su ih te smišne riči, pače njegov crni humor, malo opustili, ali tuga za barbom, tin ni bila umanjena.
Lipa vela kuća, moje fameje, u dilu sela Grohote, koji se zove Kavčina, po veloj vodi za zalivanje poja, isprid nje, ostala je bez najstarijeg člana. Kuća je još uvik tu, na iston mistu i svaki put kad dojden u selo i projden blizu nje, srce brže zakuca. Sa nostalgijon se sitin velikog dila mog ditinjstva koje san prove tamo, a ponekad mi se čini da sve te drage jude vidin ili čujen iza starih vrat našega dvora!
Kad niko umre, rodbina bi, prima starin običajima, pače virovanjima, čuvala mrca po noći, prin sutrašnjeg sprovoda. Tako je bilo i ovi put, kad je ta, ne baš lipa odluka pala na moga oca Marina i njegova brata Tonča. Tribali su čuvat barbu Lovru, brata njiova oca. Iz ditinjstva ga pamtin, ka višjeg, mršavog čovika, slabe kose i jakih vilic. Iako star, ima je lipu kožu na licu, ka i svi Bilankovi. Za razliku od njegove žene, susretljive tete Marice, ritko bi se smija. Mi dica, uglavnon rojaci, znali bi u njegovon, donjen dilu naše zajedniške kuće, za velikin stolon igrat na karte ili se hlihlišćat od pustih ludorij.
Ma, ne bi vika na nas, samo bi proša onako ozbiljan, jerbo je uvik bi u nikon poslu.
Kad san naresta, mater mi je rekla kako su izgubili mladu ćer, krasnu Tomažinu, govorili su najlipju u selu, koja se grubo razbolila, a u ono vrime ni bilo likarij, ka danas. Davno prin, bi je barba Lovre dva puta u Jamerike, da bi se vrati doma, na težak život, ka i mnogi drugi judi na škoju. Teta Marica i on, jemali su i sina, prvog rojaka mojen ocu, meni posebno dragog barbu Ivu, čovika ča mi je usadi jubav za fuzbalon i „Ajdukon“. Iako je živi u Zagrebu, nakon demobilizacije potla Drugog svitskog rata, ni propušta ni jednu utakmicu u Splitu. Doša bi nan se obavezno javit i naravski, nagovorit moje da me puste š njin na Plac. Ma, neka su te šezdesete bile loše godine za „majstora s mora“, tu atmosferu i navijanje, tu jubav prima mojen klubu, posebno barbe Ive, koji me voli ka sina, neću nikad zaboravit. Eeh, da, doša je red da se barbi Lovrici, kako su ga od milja zvali, oda poslidnja počast, da bdiju uz njegovo tilo.
Dok su se penjali uza drvene skale na gornji pod, di je leža, sigurno in je svašta prolazilo kroz glavu. Mejuto, barba Tonči, uvik spreman da najgoru oliti najtužniju situaciju napravi smišnom, ča mu je virovatno bila obrana, jerbo je skriva sentiment, u trenu je smisli batudu. Inšoma, došli su u kamaru, a on odjednom zaviče prima mojen ocu: „Marineee!“, našto mi se otac stresa i pita ga ča je. Ponovi je isto, još upečatljivije: „Marine, Marine pogledaj ga, cili život mu je bilo zima, a sad se pokri samo lancunom!“ ...hahaahha...i ko se onda ne bi nasmija u ciloj toj muci. Ma, kojen vragu bi to palo na pamet, nego samo njemu, mojen barbi Tonču, postolaru kako su ga zvali, još od El Shatta! Bi je on meštar i za puno tega, ali uvik raspoložen za šalu, čak i u ovakvon času. Sigurno je da su ih te smišne riči, pače njegov crni humor, malo opustili, ali tuga za barbom, tin ni bila umanjena.
Lipa vela kuća, moje fameje, u dilu sela Grohote, koji se zove Kavčina, po veloj vodi za zalivanje poja, isprid nje, ostala je bez najstarijeg člana. Kuća je još uvik tu, na iston mistu i svaki put kad dojden u selo i projden blizu nje, srce brže zakuca. Sa nostalgijon se sitin velikog dila mog ditinjstva koje san prove tamo, a ponekad mi se čini da sve te drage jude vidin ili čujen iza starih vrat našega dvora!
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.